Зуль-хижжа тыюу салынган 4 айдын (Ражаб, Зуль-хижжа, Зуль-каада, Мухаррам) бири болуп саналып, бул айларда жасалган жакшы иштердин сооптору көбөйтүлөт. Ал эми күнөө иштердин даражасы да оорлотулат. Андыктан, бул айда ар кандай күнөө иштер, аларга алып барчу жолдордон оолак болгон оң.
Зуль-хижжа айында:
- мусулмандардын башкы майрамдарынын бири Курман айт бар;
- бул айда мусулман бир туугандарбыз исламдын 5 парзынын бири болгон ажылык милдеттерин өтөшөт;
- бул айда ыйык күндөрдүн бири болгон Арафа күнү бар. Арафада кылынган сооптор эселеп көбөйтүлүп, ал эми ким бул күнү орозо кармаса, анын 2 жылдык күнөөлөрү кечирилет.
Бир нече хадистерде келгендей, Зуль-хижжа айынын алгачкы он күнүндө кылынган ибадаттардын кадыры өтө жогору болуп саналат.
«Аллахтын алдында Зуль-хижжанын алгачкы 10 күнүндө кылынган ибадаттардан өткөн артыкчылык жок. Бул күндөрү тасбихти (Субханаллах), тахмидди (алхамдулиллах), тахлилди(Ла илаха иллаллах) жана такбирди(Аллаху акбар) көп айткыла!»(Табарани)
Сахабалар сүйүктүү пайгамбарыбыздан минтип сурашат:
Аллах Таала мээримин, кечиримдүүлүгүн чачкан бул ыйык айда кошумча намаздарды көп окуп, Аллахты зикир кылып, кайрымдуулук, жакшылык иштерин жасап, орозо кармоо аркылуу жакшы колдонуп калалы. Жаратканыбыз ибадаттарыбызды кабыл кылсын!