"Рухуңузга азык болсун" рубрикасынын алкагындагы окуялар сизди шыктандырат.
Умар (разияллоху ъанху) мындай дейт:
“Бир жолу Аллахтын Элчиси ﷺ Аллахка жага турган иш үчүн курмандык кылууну өтүндү. Ал убакта мен бир аз мал-мүлктүн ээси болчумун.
Мен: “Абу Бакр (разияллоху ъанху) Аллахтын жолунда курманчылык кылууда ар дайым менден өтүп жүрчү эле. Аллах кааласа ушул жолу андан өтөм, анткени менде азыр мал-мүлк бар, аны мен өзүм каалагандай корото алам”,- деп ойлодум.
Ушул ой менен кубанган боюнча үйгө жөнөдүм. Үйгө келип, өзүмдүн бүткүл мал-мүлкүмдү тең экиге бөлдүм. Бир бөлүгүн өзүмдүн үй-бүлөм үчүн калтырдым да, ал эми экинчи бөлүгү менен Аллахтын элчисине ﷺ келдим.
Ал мени менен саламдашты да: “Үй-бүлөң үчүн бир нерсе калтырдыңбы, Умар?”- деп сурады.
Мен: “Тепе-тең жарымын”,- деп жооп бердим.
Бир аз убакыттан кийин Абу Бакр өзүнүн жүгү менен келди. Ал болсо болгон дүнүйөсүнүн баарын алып келиптир.
Мен Аллахтын элчисинин ﷺ андан: “Үй-бүлөң үчүн эмне калтырдың, Абу Бакр?”- деп сураганын уктум.
Ал: “Мен алар үчүн Аллах жана Анын элчисин калтырдым”,- деди.
Ушул күнү Умар Абу Бакрдан ашып өтөрүнөн күмөн санап калды.
Бул окуя Курандан да макулдук тапты:
Биз байкагандай, ушул сыяктуу жакшы иш-амалдар боюнча бири-биринен ашып өткөнгө умтулуулар колдоого алынат. Аллах аларга айкөлдүктөрү үчүн соопторунан берген болсун!
Карызга байланыштуу 9 адеп 
Пайгамбарыбыз ﷺ улууларды урматтоого буйруган 
Нур-Султанда курулган жаңы мечит тууралуу кызыктуу 12 факт 
Кайсы маалда уктаганга болбойт? 
Кийинүүгө байланыштуу 10 адеп 
Пайгамбарыбыздын сүйүктүү жубайы Айша энебиздин 14 өзгөчөлүгү 
Аз сүйлөп, көп амал кылуу тууралуу пайгамбарыбыздан 10 хадис 
Шри-Ланкалык жубайлар 17 жылдан бери Меккедеги зыяратчылар үчүн кызмат кылып келишет 
Шүгүр келтирүү – ыймандын жарымы 