Рамазан - мыкты мусулман болууга мүмкүнчүлүк

Берекелүү Рамазан айы кирип, мусулмандар кубанычка батып турган кез. Чыныгы мусулман үчүн орозо - ачка жүрүү эле эмес, бардык жамандыктардан алыс болуу, Аллах Таалага жакындоо жана күнөөлөрдөн арылуу.

%article_title%

Орозо араб тилинде «Ас-Соум» деп аталып, кармануу деген маанини билдирет. Исламда ибадат ниетинде таң аткандан күн батканга чейин тамак жеп, суусундук ичүүдөн жана жыныстык катнаш кылуудан тыйылууну түшүндүрөт.

Орозо мусулмандарга Хижранын 2-жылы, Шаабан айында парз кылынган.

ОРОЗО КАРМОО КИМДЕРГЕ ПАРЗ?

Орозо балагатка жеткен ар бир акыл-эстүү мусулман үчүн парз.

Аллах Таала “Бакара” сүрөсүндө мындай дейт:

"Эй ыйман келтиргендер, такыбаа болууңар үчүн силерден мурунку өткөндөргө парз кылынгандай силерге орозо кармоо парз кылынды".

Пайгамбарыбыздын ﷺ хадисинде мындай деп келет:

"Силерге берекелүү Рамазан айы келди. Аллах Таала силерге ал айдын орозосун кармоону парз кылды. Бул айда бүт асман эшиктери ачылып, Тозок эшиктери жабылат. Бейбаш шайтандар кишенделет.

(Тирмизи, Бин Маажа)

Орозо кармоо - бизди бул дүйнөдө жамандыктардан сактап, акыретте тозоктун азабынан коргогон жана күнөөлөрүбүздүн кечирилишине себепкер болгон маанилүү ибадат.

Аллахтын элчисиз ﷺ айтты:

“Ким Аллах үчүн бир күн орозо тутса, Аллах аны Тозоктон жетимиш жыл алыстатып коёт”.

Абу Хурайра (Аллах андан ыраазы болсун) пайгамбарыбыздын ﷺ хадисин риваят кылат:

"Шарияттын көрсөткөн эч кандай себеби болбой туруп, кимде-ким орозо кармабаса, өмүр бою орозо кармаса да, Рамазан айында кармаган орозого барабар болбойт".

Рамазан Жаратканга жакындап, Аны менен мамилебизди бекемдөөгө жана кулк-мүнөзүбүздү оңдоп, күнөө иштерден арылууга - чоң мүмкүнчүлүк.

Башка макалалар