Хатижа Жан майыптыгына карабастан, Куран жаттоо үчүн 13 жыл талыкпай эмгектенген. Бул тууралуу “islamnews.ru” сайты жазып чыкты.
Түркиянын Бурдур провинциясынын муфтийи Энвер Түркмен Хатижага экзаменден ийгиликтүү өткөндүгүн жана Куранды арабча жаттаганын тастыктаган “Хафиз” сертификатын тапшырды.
Жан бала кезиндеги оорудан улам көзү көрбөй калган. Ал Куран жаттоону чечип, Анталияда өткөн курстарда Брайль алфавитин (азиздердин жазуу жана окуусуна ылайыкталган шрифт) үйрөнгөн. 67 жаштагы апа теледен жана радиодон Куран укканды жакшы көрчү жана ушул сүйүү анын хафиза болушуна себеп болгон.
“Мен 2002-жылы хафиздик окуумду баштаганда 47 жашта болчумун. Илим алып жүргөн маалда ата-энемден, агамдан ажырадым. Окуу процесси үзгүлтүккө учурап калбашы үчүн агам алардын каза болгондугун кабарлаган жок. Мындан улам ата-энемди акыркы сапарга узатуу зыйнатына да бара албадым. Начар көрүүм мени эч качан капаланткан эмес. Куранга болгон сүйүүм бардык тоскоолдуктарды жеңүүгө жардам берди. Куран нуру – менин көзүм, менин көз карашым”
, - дейт мусулман эне.
Хатижа Жандын окуясы бизге эч бир кыйынчылыкка сынып, кол куушуруп отурбастан аракеттенүү керек экендигин далилдеди.
Башка макалалар
Ашура күнү кандай окуялар орун алган? 
Ашура күнү кармалган орозо бир жылдык күнөөлөрдү кечирет 
Түрк ашканасын байыткан дары чөптөр 
Курман Айтты кантип өткөрөбүз? 
Пайгамбарыбыз төрөлгөн Рабиуль Авваль айы кирди 
Жомоктор аймагы Кападокияга саякаттоо үчүн 5 себеп 
Топ-8: Дүйнөдөгү өзгөчө кооз мечиттер 
Түркиянын кооз пляждарына саякат 
Багымдат намазынын 7 артыкчылыгы 