Жубайлар Ашраф жана Фатима 17 жылдан бери Меккедеги Ыйык мечитте зыяратчыларга кызмат кылып келишет. Алар ушуга чейин 900 жолу умра кылышкан.
Түгөйлөр ушунча жылдан бери мусулмандарга кызмат көрсөтүп келгендиги үчүн бактылуу экендигин билдиришти. Алар акча табууга, ошол эле маалда Аллахтын ыраазычылыгына жетүүгө мүмкүнчүлүк түзгөн жумушу бар экенидгине шүгүр келтиришет.
Алгач Аль-Харам мечитинде Фатима иштей баштаган. Ал аялдар залын жана ошол жерде салынган жайнамаздарды кароого дайындалган. Фатима бир нече жылдан кийин күйөөсү Ашрафты Меккеге чакырган.
Бирок Ашраф Шри-Ланкада жумушу болгондуктан, мекенин таштап Сауд Арабиясына кетүүнү каалаган эмес. Акыры Фатима күйөосүн көндүргөн. Учурда Ашраф Аль-Харам мечитинде момундарга күнү-түнү кызмат кылгандыгы үчүн өзүн бактылуу сезет.
Ошондой эле жубайлардын жумушунун дагы бир артыкчылыгы бар. Алар мусулмандар үчүн эң ыйык эсептелген жайда эмгектенип, жума сайын умра кыла алышат. Түгөйлөрдүн айтымында, алар жалпы жонунан 900дөн ашуун ирет умра кылышкан.
Аллах Таала жубайлардын жакшы иштерин кабыл кылып, жасаган жумуштарын берекелүү кылсын!
Топ-8: Дүйнөдөгү өзгөчө кооз мечиттер 
Багымдат намазынын 7 артыкчылыгы 
Кайгыдан арылтып, 99 ооруну айыктырган дуба 
Мусулмандар Палестинага кантип жардам бере алышат? 
Палестина тарыхы: Сионисттик Израил жүргүзгөн 75 жылдык кыргын 
Түркиянын кооз пляждарына саякат 
6 айда хафиза болгон Айжан менен маек 
Кантип баарына жетишебиз? Күндү жемиштүү өткөрүү үчүн 7 кеңеш 
Намазды көңүл коюп окуу үчүн 5 кеңеш 