Единение. Просвещение. Созидание.
ислам журналы
С именем Аллаха, Милостивого и Милосердного. Ырайымдуу, Боорукер Аллахтын аты менен!
«Акыйкатта үммѳтүӊѳр бир эле үммѳт…» («Анбийа»сүрѳѳсү, 92-аят)

Covid-19дан каза болгон адамды жерге берүү боюнча муфтияттын фатвасы

Автору: "Умма" журналы / Жарыяланды: 17 июль 2020

Кыргызстан мусулмандарынын дин башкармалыгы коронавирустан каза болгон адамды акыркы сапарга узатуу боюнча фатва чыгарган. Өлкөбүздөгү оор кырдаалга байланыштуу андагы айтылгандарды сактоону дин өкүлдөрү эскертишет. Бул тууралуу муфтияттын расмий сайтында кабарланат.

Коронавирус оорусунан көз жумган адамды жуу, кепиндөө жана жерге берүү маселесинде зарылдыктан улам шарият төмөндөгү көрсөтмөлөрүн толук сактоого чакырат.

1. Кайтыш болгон диндеш бир туугандын сөөгүн жуу, кепиндөө жана жаназа намазын окуу мусулмандын мусулманга карата вазийпаларынын эң башында турат. Ошондуктан, сөөк жууган молдокелер атайын коргоочу кийимдерди, бет кап жана кол капттарады кийип, сактык эрежелери толук сактоого тийиш.

2. Жуулуп, кепинге оролгон маркумдун жаназа намазын окуу фарзы кифая болуп саналат. Кифая деген сөз бул вазийпаны бир топ мусулмандар аткарган учурда калган мусулмандар бул жоопкерчиликтен кутулушат. Ошондуктан, азыркы кыйын учурда туура түшүнүп, маркумдун туугандары жана эң жакын саналаштары гана катышуусу жетиштүү.

3. Жаназа намазын окуу үчүн атайын бир убакыт белгиленген эмес. Даяр болуп калган сөөктү көп күттүрбөстөн жаназасын окуп жерге берүү негизги иш.

4.Маркумду сөөгүн жуу, кепиндөө учурда башка адамдарга ооруунун жугуу коркунучу бар болсо, анда төмөндөгүдөй амалдар жетиштүү болот:

1. Белгилүү аралыктан суу куюп, же болбосо узактан суу чачып сөөктү жууганга болот.

2. Эгер дарыгерлер коронавирус оорусунан көз жумган адамды жууп, атайын вирустан корголуучу материалдар менен ороп берген болсо, анда дарыгерлердин маркумду жуугандыгы жана кепиндегени жетиштүү. Аны кайра ачып жууп, кепиндөөнүн кереги жок.

3. Маркумду жуу, эгерде, жугуштуулук өңүттөн коркунучтуу болсо, тийиштүү адистердин көрсөтмөсүнүн негизинде коргонуучу кийимдерди кийип сөөккө таяммум кылдырууга болот.

4. Коронавирус оорусунан кайтыш болгон адамга жаназа окуу жана ошондой эле анын денесин шариятка ылайык жерге берүү милдеттүү болуп эсептелет.

5. Каза болгон маркумга Куран окутуу, үчтүк, кырктык, жылдык жана башка каадаларды токтото туруу зарыл.

Денени өрттөп, кислота же башка химиялык каражаттарды колдонуп көмүүгө шариятта уруксат берилбейт. Албетте этияттык үчүн вирустан коргоочу жолдордун жардамы менен жерге берилет.

Сөөктү шарияттык (салттык) тартипте казылган көрүстөнгө кепин менен көмүү кооптуулук жарата турган болсо, атайын (өлүк салуучу) табыт менен көмүүгө да болот.

Кырдаалга жараша жана зарылчылыктан улам ушул иштерди аткарып жатсак да, мусулман бир тууганыбыздын астындагы акыркы диний вазийпаларыбызды аткарып жатабыз деген аң-сезимде болуу керек.



Башка макалалар
Дагы кѳрсѳтүү
Адис жооп берет
Сизди кызыктыргын суроого жооп издеп, же имам суроо берсеңиз болот.
Суроого жооп берген:

Кадыр Маликов

Намаз убактылары
26 сентябрь 2020г.
Багымдат
5:19
Күндүн чыгуу
6:54
Бешим
12:53
Аср
17:05
Шам
18:56
Куптан
20:28