Единение. Просвещение. Созидание.
ислам журналы
С именем Аллаха, Милостивого и Милосердного. Ырайымдуу, Боорукер Аллахтын аты менен!
«Акыйкатта үммѳтүӊѳр бир эле үммѳт…» («Анбийа»сүрѳѳсү, 92-аят)

ФОТОБАЯН: Ош Курман Айтты шаңдуу тосту

Жарыяланды: 5 сентябрь 2017

1-сентябрь Курман Айттын урматына “Умма- Ош” командасы Оштун тургундарына чыныгы майрамдык маанай тартуулашты.

null

Иш-чара 2017-жыл “Ыйман, адеп жана маданият” жылынын алкагында “Умма” ислам журналынын Ош шаарындагы ыктыярчылары тарабынан уюштурулду.

null

Кечки саат 5 те “Алымбек Датка” атындагы сейил багына тургундар майрамдык маанай менен агылып келе жатышты.

null

Курман Айт майрамы Ыйык Курандын керемет үнү менен ачылды.

null

Андан соң аалымдар кеңешинин мүчөсү Ниязалы ажы Арипов тургундарды орду чоң бул майрам менен куттуктап, Курман Айттын маани-маңызына токтолду.

null

Майрамдык иш-чаранын алкагында уюштуруучулар тарабынан кызыктуу оюндар ойнотулуп, баалуу белектер тапшырылды.

null

Кичинекей бөбөктөргө “Курман Айт балдардын көзү менен” деген темада сүрөт жарышы уюштурулду. Балдар бул жарышта өзгөчө активдүүлүгүн жана чеберчиликтерин көрсөтүштү.

null

Ал эми чоңдор арасында кой союу, аны жиликтөө, жиликтердин аттарын туура табуу боюнча кызыктуу конкурс ойнотулду.

null

"Курман Айт- динибиздеги чоң майрамдын бири. Аны көчөгө чыгып, эл менен тоскуң келет. Шаарда майрамдык атмосфера көрүнүп турушун каалайсың. Буга чейин Ошто мындай иш-чара өткөнүн көргөн эмесмин. Бүгүнкү күн жакшы саамалык болуп отурат. Мындан ары да улана берүүсүн каалайт элем. Уюштуруучуларга терең ыраазычылык",- дейт шаар тургуну.

null

Баарынан да шаардыктарды аркан тартыш оюну чоң шаңга бөлөдү.

null

Ош шаарында өткөрүлүп жаткан түрдүү социалдык иш-чараларда жергиликтүү мекендештерибиз активдүү түрдө өз жардамдарын аябай көрсөтүп келишет. Бул жолу да алар четте калышкан жок. Оюндардын жеңүүчүлөрүнө “Элим” үй-бүлөлүк стоматолгиялык клиникасы 1000-2000 сом өлчөмүндө, “157 Ислам такси” акысыз жол кызматына белек сертификаттарын тапшырса, “Nomad store” дүкөнү саркеч сумкалары менен кубандырды. Ошондой эле, Ош мамлекеттик университетинин проректору Алтынбек Замидинов жана жеке ишкер Дарика Беккулова иш-чаранын уюштуруу иштеринде өз колдоосун көрсөтүштү.

null

“Умма-Ош” командасы буга чейин да бир топ иш-чараларды өткөрүп, элдин алкышына ээ болуп келишет.

null

“Биз уюштуруу иштеринен чоң ырахат алабыз. Бул жолу да майрам биз ойлогондой өттү. Элдер кызыгуу, активдүүлүк менен катышып, суроолорубузга жооп берип жаткандары чоң дем-күч берет. Иш-чара аяктаган соң бизге кошулууну каалаган ыктыярчылар келип, жазылып жатышты. Мекендештерибиздин мындай иш-чараларга суусап турушканы ачык көрүнүп турат”, - дейт активист Аманай Абдыкеримова.

1 / 14



Башка макалалар
Дагы кѳрсѳтүү
Адис жооп берет
Сизди кызыктыргын суроого жооп издеп, же имам суроо берсеңиз болот.
Суроого жооп берген:

Кадыр Маликов

Намаз убактылары
27 октябрь 2021г.
Багымдат
5:55
Күндүн чыгуу
7:30
Бешим
12:45
Аср
16:19
Шам
18:05
Куптан
19:37