Убакыт өткөн сайын жаштар коомубуздун социалдык турмушуна активдүү аралашып, ыктыярчылыкка көп тартыла башташты. Алсак, 8-майда демилгелүү жаштар "Умма" ислам журналы, Ч.Айтматовдун китеп борбору, "Prego" рестораны жана "Экодемия" кафесинин колдоосу менен Бишкек шаардык карылар үйүндөгү чоң ата, чоң апаларды маданий экскурсияга алып барышты.
Карылар үйүндөгү чоң ата, чоң апалардын көпчүлүгү бул жакка алгачкы жолу келип жатышкандыктан, үйдүн ичин чоң кызыгуу менен аралап киришти.
Ата-апаларды Ч.Айтматовдун жубайы, уулу Эльдар Айтматов, карындашы Роза Айтматова тосуп алышты.
Экскурсиядан соң ата-апаларга үй-музейдин алдында чакан дасторкон жайылып, түрдүү даамдар берилди.
Улуу жазуучу Ч.Айтматовдун үй-бүлө мүчөлөрү залкар инсандын адамдык асыл сапаттарын айтып, чоң ата, чоң апаларга ден соолук, узун өмүр каалашты.
Жагымдуу эс алуу жана баарлашуудан соң үй-музейдин жамааты коноктор менен эстеликке сүрөткө түшүштү.
1 / 49
Башка макалалар