Единение. Просвещение. Созидание.
ислам журналы
С именем Аллаха, Милостивого и Милосердного. Ырайымдуу, Боорукер Аллахтын аты менен!
«Акыйкатта үммѳтүӊѳр бир эле үммѳт…» («Анбийа»сүрѳѳсү, 92-аят)

Бишкекте жардамга муктаждарды колдогон "Social Brands" дүкөнү ачылды

Автору: Айдай Амангелди кызы / Сүрѳттѳр: Айдай Амангелди кызы / Жарыяланды: 25 февраль 2020

Бишкекте “Social brands” аттуу өзгөчө дүкөн ачылды. Аталган дүкөндө турмуш-шарты жетишсиз жана оор илдетке чалдыккан мекендештерибиздин кол өнөрчүлүгү менен жасалган буюм-тайымдар сатылат.

null
“Social brands” дүкөнүнүн ачылыш аземи

Түрдүү аксессуарлар, ашканага керектүү буюмдар, көз жоосун алган сумкалар, көркөм-декоративдик жасалгалар бул дүкөндөн орун алды. Чоң үмүт жана терең ишенимге бөлөнүп жасалган буюмдарды сатып алуу менен сиз жардамга муктаж мекендештерге маанилүү колдоо көрсөткөн болосуз. Дареги – Абдрахманов көчөсү, 137 (Токтогул көчөсү менен кесилишет).

“Social brands” дүкөнүнүн негиздөөчүлөрү Дания Кадыркулова менен Руслан Алыбаев бул жылдын аягына дейре дагы 3 дүкөн ачууну пландашууда.

null
Долбоордун негиздөөчүлөрү Дания Кадыркулова менен Руслан Алыбаев

“Social brands” - бул социалдык долбоор. Ал иштөөгө мүмкүнчүлүгү жок, оор кырдаалда калган мекендештербизге колдоо көрсөтүп, мотивация берүүгө багытталган. Мисалы, бизде рак илдети менен ооруган аялдардын коому бар. Алар өз колдору менен сумка тигип сатышып, аз да болсо химиотерапияга акча чогултуп алгылары келишет. Ушул сыяктуу мисалдар көп. “Social brands” -мына ушундай адамдарга арналган аянтча. Биз келечекте кардарларды эле күтүп отура бербей, буйрутма берүүчүлөр менен да иштешип, экспортко чыккыбыз келет”,
- дейт Дания Кадыркулова.

7 жылдан бери кайрымдуулук иштери менен активдүү алектенип келе жаткан Дания айым жардамга муктаж адамдарга киреше табууну үйрөтүүнү абдан маанилүү деп эсептейт. Анткени, жардам дайыма эле боло бербейт. Андыктан, алар өз алдынча, эч кимге көз каранды болбой жанын багып кетүүгө аракеттенүүлөрү зарыл.

null
Келиңиздер, баарыбыз биргеликте калктын аялуу катмарын колдоп, аларга дем-күч берели.

Дүкөндүн ачылыш аземине кол өнөрчүлүк менен алектенген мүмкүнчүлүгү чектелгендердин коому да келишти. Алар “биздин эмгекке кызыгышар бекен, жактырып сатып алышар бекен?” деген ойдо, четте кардарларды чоң үмүт менен карап турушту.

Урматтуу окурмандар, кайрымдуулукту түрдүү жолдор менен жасоого болот. Алардын бири - “Social brands” дүкөнүнөн өзүңүзгө жаккан буюм сатып алуу. Келиңиздер, баарыбыз биргеликте калктын аялуу катмарын колдоп, аларга дем-күч берели.

1 / 29



Башка макалалар
Дагы кѳрсѳтүү
Жаӊылыктар
Адис жооп берет
Сизди кызыктыргын суроого жооп издеп, же имам суроо берсеңиз болот.
Суроого жооп берген:

Кадыр Маликов

Намаз убактылары
24 ноябрь 2020г.
Багымдат
06:24
Күндүн чыгуу
08:04
Бешим
12:48
Аср
15:50
Шам
17:37
Куптан
18:52