Амаль Миранова: Кыргызстанда жоолук салынгысы келгендер көбөйдү. Биз региондорго чыга баштадык

Журналист, коомдук ишмер Амаль Миранова мындан 2 ай мурун Бишкекте “Жоолугум менин сыймыгым аттуу иш-чара өткөргөн. Мындай саамалыкты уюштурууга Амаль айымдын инстаграм баракчасына келген каттар түрткү болгон. Алардын арасында “Аябай жоолук салынгым келет, бирок эрким жетпей жатат. Мусулман эже-сиңдилердин колдоосуна муктажмын. Жоолук салынгым келет, бирок азырынча кийим-кече алууга шартым жок” деген сыяктуу каттар көп эле.

null

Дал ушундай кыздарга арнап Амаль Миранова атайын иш-чара уюштуруп, алгач 23 кыздын жоолук салынуусуна себепкер болгон. Бул саамалык ушуну менен эле токтоп калган жок. Кыргызстандын ар кайсы аймагынан ислам динин парзын аткарып, жоолук салынып баштоону каалагандар жаза башташты. Ошентип, “Жоолугум – менин сыймыгым” иш-чара эле эмес, региондорду кучагына алган масштабдуу долбоорго айланды.

null

“Социалдык тармактарда мага катталган окумандарымдын суранычы менен Бишкектен соң Военно-Антоновка айылына, андан соң Нарынга, активист Индира Аданова аттуу айымдын демилгеси менен Кочкорго чейин барып “Жоолугум- менин сыймыгым” иш-чарасын өткөрүп келдик. Намаз окуп, жоолук салынгысы келген эжелерге дем –күч берип, көйнөк, жоолугубузду белек кылып, ислам дининдеги жоолук салынуунун маанисин түшүндүргөн пайдалуу программаларды уюштуруп жатабыз. Негизи Кыргызстанда жоолук салынгысы келгендер көп экен. Алардын арасында моралдык колдоого муктаждары арбын. Себеби мындай чечим кабыл аларда алар: “Үй-бүлөм, достор, тааныштарым бул кадамымды кандай кабыл алат?- деп тынчсызданышат. Жоолук салынууну каалап, бирок азырынча ага жараша жаңы кийим алууга шарты жоктор да бар. Буюрса, биз бул долбоорубуз менен тур кылып, Ош, Жалал-Абадга чейин барууга ниет кылып жатабыз ”,

- деди уюштуруучу Амаль Миранова.

null

Аллах Тааланын жолунда кызмат кылууда четте карап отуруп калгандар болгон жок. Бул долбоорду ийгиликтүү алып кетүүдо Амаль айымдын санаалаш, пикирлеш адамдары колдоо көрсөтүштү. Бири көйнөк, жоолук жагынан, башкалары акчалай колдоп турушту. Ошентип, Военно-Антоновкада 25, Нарында 30, Кочкордо 32 кыз исламдагы аялзатына коюлган милдетин аткарып, жоолук салынышты.

“ЖООЛУГУМ-МЕНИН СЫЙМЫГЫМ” 18-мартта эми Балыкчыга сапар алганы турат.

null