НАТОнун саммитинде Эрдоганды жоолукчан котормочу коштоп барганы чоң талкуу жаратты

Америка Кошмо Штаттарынын президенти Джо Байден менен болгон жолугушууда Түркиянын президенти Режеп Тайип Эрдоганды жоолук салынган котормочу кыз коштоп барды.

%article_title%

Эрдогандын жеке котормочусунун аты-жөнү - Фатима Гүлхан Абусханаб. Фатима айым жогорку билимин Америкадагы 100 мыкты жогорку окуу жайдын катарына кирген Джордж Мейсон университетинде Эл аралык мамилелер багытында бүтүргөн. Ал эми магистратурасын Вашингтондогу Жоржтаун университетинде мусулман-христиан мамилелери бөлүмүндө аяктаган. Ал эми докторлук даражасын Анкарадагы Йылдырым Бейазит университетинен алып, “Хожатепе” университетинен жеке котормочулук жана оозеки котормочулук боюнча билим алган.

Эрдоганды НАТОнун саммитине жоолукчан котормочу кыз коштоп барганы оппозициячыл партиялардын катуу сынына кабылды. Бул тууралуу Түркиянын сайттары байма-бай жазышууда.

Алсак, оппозизиячыл маанайдагы “ИЙИ” партиясынын башкы жетекчиси Мерал Акшенер Эрдогандын котормочуну тандоодо анын кесипкөйлүгүнө эмес, өзүнө ыңгайлуу кадрды алып келип алгандыгын айтты:

“Өкмөт биздин салтыбызды астын-үстүн кылып салгандыгы үчүн тажрыйбалуу котормочу жок. Ал жерде эмнелер тууралуу сөз болгонун Тышкы иштер министрлигине, ал жерден парламентке да жеткирүү мүмкүнчүлүгү алынып салыптыр”.

%article_title%

“ИЙИ” партиясы менен бийликтеги “АК” партиянын жеткчилеринин ортосунда социалдык тармактарда кайым айтышуу орун алды.

“Ак” партиянын мүчөсү Равза Кавакчы Кан аны Мерал Акшенердин дискриминациялык жана жаштарды басмырлаган сөзү капа кылгандыгын айтты:

“Өзүбүздүн өлкөдө жана чет жерде да жогорку билим алып, докторлук даражага жеткен, котормочулук боюнча профессионалдуу билим алган жаш жана ар тараптуу кыздын өмүр баянын окубай туруп мындай сын-пикир айтканыңыз сизге жарашпайт, урматтуу Мерал Акшенер. Бүгүнкү күнгө чейин эч кандай күмөндү жаратпаган котормочулук иши эми бул тармакка жаш, жоолукчан, Мерве Кавакчынын кызы келгендиги үчүн эле көйгөй жаратып, Эрдогандын Байден менен сүйлөшүүсү жашыруун болуп чыга келеби? Мындай оюңузга уят!”

- деди ал.

%article_title%

“ИЙИ” партиясынын жетекчисинин жардамчысы Ахмет Эрозан социалдык баракчасында мындай ойлору менен бөлүштү:

“Эрдоган Байден менен сүйлөшүүнүн конфиденциялдуулугун эч кимге ишене албагандыктан, алар котормочулукта кесипкөйлүгүнөн жана бүгүнкү эл аралык кырдаал боюнча абалды жакшы түшүнгөнүнөн күмөн санаттырган котормочунун тандашыптыр. Бирок эң негизгиси бул котормочу - алар ишене алган өзүлөрүнүн кишиси. Бул кызды профессионал котормочу деп айтуу кыйын, Мерве Кавакчынын кызы..!”

- деп жазган Ахмет Эрозан.

Эске салсак, котормочу кыз Фатиманын апасы Мерве Кавакчы мындан 20 жыл мурун Түркия Парламентинин Башкы Ассамблеясында жоолугу үчүн Түркиянын Демократиялык Солчул партиясы тарабынан шылдыңга алынып, Парламенттен чыгып кетүүгө мажбур болгон. Ага карата “Бул аялга өз ордун көрсөтүп койгула” деген сөздөр айтылган.

Ахмет Эрозандын пикирине “Ак” партиянын жетекчисинин жардамчысы Хамза Даг мындай деп жооп берди:

“Жоолук салынган кыздын Түркия парламентинде котормочу болушун кабыл ала албай жатасыңарбы? Же силерди академиялык даражага жеткен адамдын жоолукчан болушу тынчыңарды алып жатабы? Улутубуздун баалуулуктарына каршы чыкканыңардан качан кайтасыңар?”

– деди Хамза Даг.

%article_title%

Тарыхка кайрылсак, 1999-жылы 28-февралда Мерве Кавакчы балдарын 1-класска мектепке алып барган. Ошондо журналисттер аны айланчыктап, мектептеги башка балдарга аларды кемсинткен ураан айттырышкан. Ошондогу коомдук шылдыңга алынган кыз – президенттин азыркы жеке котормочусу Фатима Гүлхам Абусанаб эле.

Башка макалалар