"Умма" кайрымдуулук фонду балдар үйүнө зыяратка барышты

Ыйык Курман Айт майрамынын урматына “Умма” коомдук кайрымдуулук фонду мээримдүүлүк акциясын жарыялаган. 2-сентябрь күнү кайрымдуу мекендештерибизден түшкөн курмандык этин жана чогулган каражаттарды таратуу үчүн аталган фонддун өкүлдөрү жана ыктыярчылар Карл Маркс айылындагы “Аль-Бухари” жана Чүй облусунун Сокулук районундагы Военно-Антоновка балдар үйүнө зыяратка барышты.

null

Мекендештерибизден түшкөн курмандык эттери “Аль-Бухари” балдар үйүнө жеткирилди.

null

“Умма” фондунун өкүлдөрү жана ыктыярчылар зыяраттарын андан ары Военно-Антоновкадагы балдар үйүндө улантышты. Жер-жемиш, таттуулар, белектер жана чакан көңүл ачуучу программалар менен бул күнү алар балдар үйүнүн тарбиялануучуларына унутулгус күн белек кылышты.

null

Аталган балдар үйүндөгү тарбиялануучулар өтө жароокер, алдыга койгон чоң максаттары бар балдар экен.

null

Военно Антоновкадагы балдар үйү 1946-жылдан бери иштеп келет. Азыркы учурда ал жакта 115 бала жашайт.

"Балдар үйүндө түзүлгөн шарттарды жаман деп айтууга болбойт, бирок оңдой турган көп жерлер бар. Имараттарды бир сыйра оңдоп-түзөөдөн өткөрсө мыкты болчудай", - дейт активист Бекжан Жусупов.

Балдар үйүнүн кызматкери балдарга эң негизгиси мээрим жетишпей турганын баса белгиледи.

null

"Балдар бизди жылмайган жүздөрү менен кучак жая тосуп алышты. Андан соң жаныбыздан кетпей, айланчыктап, биз менен сүйлөшкүлөрү келип жатканын байкадык", - дейт фонддун өкүлү Махабат.

null

Тарбиячы:

“Мурун башка улуттун балдары көп эле, акыркы учурда кыргыз балдар көбөйүп жатат. Көбүнчө ажырашып кетип, үй-бүлөлөрү бузулгандар, мүмкүнчүлүгү чектелгендер оор турмуш-шарттын айынан бул жакка таштап кетишет”, - деди.

null

“Умма” фондунун өкүлдөрү балдар менен жакындан таанышып, түрдүү оюндарды ойношту.

null

Ошондой эле, ыктыярчылар балдарга Курман айттын маани-маңызы жөнүндө айтып беришти.

null

Фонддун чет өлкөлүк ыктыярчысы Назим Хан:

"Мен кайрымдуулук иштерине катышкандан ырахат алам. Эгер жүрөгүңүздөрдүн жумшаруусун кааласаңыз, анда айлана-чөйрөңүздү карап, колунда жок, муктаждарга мээрим төгүңүз", -дейт ал.

null

Баарынан да балдар менен коштошо турган учур оор болду. Алар ыктыярчыларды кетиргилери келбей, эже-байкелерин "Дагы качан келесиңер?" деген суроолуу көздөрү менен узатышты.

null