"Умма-Ош" 1-январда таң эрте ишембиликке чыкты

Жаңы жылдын эртеси, 1-январда, Оштун борбордук аянтынан 40 куб таштанды чыгарылды. Шаарды тазалоону Ош-Тазалык ишканасынын кызматкерлери таң эрте 04:30 да башташты.

null

Алар менен кошо “Умма” журналынын ыктырчылары жана шаардын активдүү жаштары да аянтта таң эрте чогулушуп, шаарды тазалашканга жардам беришти. Элдер таттуу уйкуда уктап жатканда, суукта таң эрте жумушка чыгышкан Тазалыктын кызматкерлерин ыктыярчылар үйдөн ала келген ысык чай жана шириндиктери менен да сыйлашты.

Аянтта туш келди ыргытылган таштандылар

Кошумчалай кетсек, Ош шаарынын демилгелүү жаштарынын мындай аракети алгачкы жолу эмес. Алар былтыр да дал ушундай акцияга чыгышкан. Ыктырчылардын айтымында, мындай жумушта көбүнчө улгайган адамдар иштешет. Жаштардын бул кадамы аларга чоң колдоо көрсөтөт.

null

Эскерте кетсек, Оштун борбордук аянтын тазалоого бул жылы 35 жумушчу, 2 техника тартылган. Ошондой эле, таштанды контейнерлерине топтолгон таштандылардын көлөмү көбөйүп, күндөгүдөн 200-300 кубга көп болгон.