"ЧайQuizz" оюну: "Люди Х" командасынын жеңиш сыры эмнеде?

5-январда “Park Hotel” мейманканасында "ЧайQuizz" биринчи мусулман интеллекталдык долбоорунун 3-оюну өттү.

Саат 18:00 го чукул "Park Hotel" мейманканасынын чоң залы катышуучуларга толду

Билими менен таймашкан 20 команда 8 түрдүү категория боюнча 10 турдан 80 суроого жооп беришти.

Бул жолку кызуу таймашта 1-орунду 48 упай менен “Люди Х” командасы ээлесе, 2-орунга 42 упай менен “Аметисты”, 3-орунга 39 упай менен «ГУМ” командасы татыктуу болушту.

Оюндун жеңүүчүлөрү "Люди Х" командасы

2-орундун ээлери - "Аметисты"

3-орунга "ГУМ" командасы татыды

Мыкты бешилтикти 38 упайлары менен “Сб. Спонтанных” жана “Даруль Хикма” тайпалары толукташты.

Таймаштык тизме

Катышуучулар оюн аяктаган соң билбей калган суроолоруна жооп издеп, түрдүү тематикадагы китептерди көбүрөөк окуй баштагандарын айтышат.

Бул оюндун жеңүүчүлөрү “Люди Х” командасында Кыргыз-Түрк “Манас” университетинин 4-курсунун студенттери ойношот. Алар өзүлөрүнүн ийгилигин сыры деп мурда да ушул сыяктуу акыл таймаштарына активдүү катышып жүргөнүн айтышты.

“ Биз оюнга чейин категорияларды бөлүшүп алып, үстүртөн даярданып коебуз. Көбүнчө бизге мурунку окуган билимибиз жардам берет”, - дешет алар.

Кошумчаласак, “Чай Quiz – билим агымында” ураанын карманган долбоорунун максаты- мусулман жаштарынын интеллектуалдык деңгээлин көтөрүүгө салым кошуу, ар тараптуу билим алып, ой жүгүртүүнү кеңейтүүгө шарт түзүү, жаштарды социалдык активдүүлүккө үндөө жана өз ара пикир алышууга аянтча түзүү.

Чай Quiz оюнуна катышууга жаш курак боюнча чектөө коюлган эмес. Бирок командалардын көбү жаштардан куралганын байкоого болот.

Аталган интеллектуалдык оюнда Пайгамбарыбыз Мухаммеддин (Алланын ага салам-салаваттары болсун) өмүр баяны, сахабалар, тарых, география, кино, медицина, логика, бренд, макал-лакаптар, өлкөлөр сыяктуу багыттар боюнча суроолор берилет.

Эскерте кетсек, аталган оюн ар айда 1 жолу "Триллионер КР" интеллектуалдык-дискуссиялык клубу тарабынан уюштурулууда.