Достуктун чатыры: Өзбек улуттук борбору 300 мейманды коноктоду

Жакшылыкта жарышуу эстафетасынын 4-күнү меймандарга дасторкон жайуу Өзбек улуттук борборуна буйруду.

null

Достуктун дасторконуна ар кыл улуттун өкүлдөрү жана мүмкүнчүлүгү чектелген мекендештерибиз келди. Ооз ачуу кечесинде улуттар аралык достук, биримдик жана ынтымак тууралуу маанилүү сөздөр айтылды.

Аллах Таала ыйык Куранда: “Эй адамдар! Биз силерди эркек-ургаачыдан жараттык. Ошондой эле бири-бириңерди таанып-билишиңер үчүн урууларга жана элдерге бөлүп койдук. Аллахтын алдында силердин эң сыйлууңар – такыбараагыңар. Чындыгында, Аллах (баарын) Билүүчү, (баарынан) Кабардар!” - деп айткан.

Бүгүн ошондой коноктордун бири 15 жылдан бери "Ош-Тазалык" муниципалдык ишканасында иштеген Жоробек мырза болду. Ал чатырга таанышы аркылуу угуп келген.

Көп улуттуу Ош шаары эмгекчил жана өжөр жашоочулары менен таң калтырат. 3 жогорку билимдин ээси, 4-5 тилде эркин сүйлөгөн, “Биз жашоодо биргебиз” кайрымдуулук фондунун жана “Бегайым лайф” өзбек-кыргыз маданий достугун чыңдоочу борбордун жетекчиси Асранкул Жээнкулов чатырга ардактуу мейман болуп чакырылган. Коомдун өнүгүшүнө, анын ичинде мүмкүнчүлүгү чектелген жарандарды колдоого бүткүл күч - аракетин жумшап жүргөн Асранкул мырза бул жылы Рамазан чатырына демөөрчү болуп катышты.

null

Бул кыска өмүрдө ден соолук менен сыналган Асранкул мекендешибиз эч кабагым-кашым дебей бийик максаттарды коюп, ишенимдүү кадамдарды таштап жатканы алты саны аман адамдарды бир четинен суктантса, экинчи жагынан уялтат.

Ошентип, бул күнү Бабур атындагы драм театрдын аянтында орун алган Рамазан чатырында 250 мейман ооз ачып, руханий азык алып кетишти.