Единение. Просвещение. Созидание.
ислам журналы
С именем Аллаха, Милостивого и Милосердного. Ырайымдуу, Боорукер Аллахтын аты менен!
«Акыйкатта үммѳтүӊѳр бир эле үммѳт…» («Анбийа»сүрѳѳсү, 92-аят)

Бишкекте "Адал жашоо образынын келечеги" аттуу семинар өттү. Эл аралык эксперт Ибрагим Эсса катышты

Автору: Айдай Амангелди кызы / Жарыяланды: 28 июнь 2019

“Дүйнөдө адал индустриясы өтө тездик менен өнүгүүдө. Мусулман эмес өлкөлөр да бул тармакка көңүл бурушуп, анын өнүгүшүнө шарт түзүүгө аракеттенишүүдө”, - дейт адал-индустрия жаатында таанылган окумуштуу, эл аралык эксперт Мухаммад Ибрагим Эсса.

Ал 27-июнда өткөн “Halal life style келечеги жана чакырыктары” (Адал жашоо образы), “Ислам принциптеринде каржылоонун келечеги жана чакырыктары” аттуу семинарга башкы конок катары атайын чакырылган.

Аталган семинар Кыргызстандын Экономика министрлигинин чоң залында өтүп, ал министрликтин Халал индустрия бөлүмү жана “Эл аралык Өнөктөш экономика жана финансы Ассоциациясы тарабынан уюштурулду. Семинарга Кыргыз Республикасынын мамлекеттик органдарынын жана ведомстволорунун, бизнес-коомчулугунун өкүлдөрү, ишкерлер, коомдук уюмдар катышты.

Адал индустриясы, ислам банкинги темаларында баяндамасы менен чыккан башкы конок Мухаммад Ибрагим Эсса келгендерге өзүнүн бай тажрыйбасы менен бөлүштү. Ал азыркы учурда “Синд Банк”, “Хабиб Метрополиан Банк”, “Equitable Financial Solutions Australia”, Кытай бизнес-борбору (CBH, Дубай), шариат көзөмөл боюнча комитеттин мүчөсү - Галф Адал-Борбору (БАЭ) жана башка уюмдардын Шариат кеңешинин Ардактуу мүчөсү болуп саналат.

null

Мухаммад Ибрагим Эсса мырзанын айтымында, адал индустриясынын жакшы темп менен өнүгүп жатканына карабастан, учурда мусулмандарды ойлондура турган бир катар чоң маселелер да бар.

“Биз азыктанып, колдонуп жаткан продукцияларга синтетика, жаныбарлардын денесинен алынган заттар көп кошулат. Маселен, тамак-аш, ар кандай таттуулар, жемиштердин түсүн өзгөртүү үчүн курт-кумурскалардын каны пайдаланылат. Мындай продукциялар Е120 деген курам менен белгиленет. Ал эми динибизде курт-кумурскалардын баары арам болуп эсептелинет. Андыктан, мусулмандар тамак-аш, дары-дармек, косметикалык каражаттарды сатып алууда алардын курамына өзгөчө көңүл бурушу керек. Ал үчүн коомго “адал” деген түшүнүктү жакшылап жеткиришибиз зарыл. Адал бул тамак-ашка эле тиешелүү эмес, адал түшүнүгү медицина, косметикалык каражаттар, туризм, экономика сыяктуу бир катар тармактар менен да тыгыз байланышта экенин унутпайлы”, - деди Мухаммад Ибрагим Эсса.

Белгилей кетсек, Экономика министрлиги бул иш-чараларды 2017-2020-жылдарда “КР адал-индустриясын өнүктүрүү Концепциясын” жүзөгө ашыруу боюнча иш-чаралар планын аткаруу иретинде, калк арасында “адал” түшүнүгү жөнүндө билим берүү-агартуу жана адал-индустрия жаатында адистерди окутуу иштеринин алкагында уюштурууда.

Аталган министрликтин адал индустриясы тармагынын адиси Нургазы Кадышов адал-индустриясы Кыргызстанга кошумча инвестицияларды тартууга жана чет өлкөлөргө продукцияларды экспорттоону көбөйтүүгө мүмкүндүк берүүчү, экономиканын өнүгүүсүнө мындан ары түрткү берүүчү кошумча атаандаш индустрия катары караларын айтты. Ал, ошондой эле, Кыргызстанда бул тармакты өнүктүрүү үчүн, биринчи кезекте, адал түшүнүгүн жалпы журтка кеңири жана түшүнүктүү кылып жеткирүүнүн маанилүүлүгүн баса белгиледи.



Башка жаӊылыктар
АКШ аба күчтөрү кызматкерлерине жоолук салынууга жана сакал коюуга уруксат берди
17 февраль 2020
Гарвард университети “адилеттүүлүккө” берилген эң мыкты аныктаманы Ыйык Курандан тапты
10 февраль 2020
Кыргызстандык студенттер Малайзияда өткөн азиялык араб тили дебатында 3-орун алышты
6 февраль 2020
"Ассанабил" фонду Бишкектеги атасыз жетим балдарга жөлөк пул тапшырып, оюн-зоок уюштурду
31 январь 2020
Журналисттер үчүн конкурс жарыялайбыз!
16 январь 2020
Муфтият ажыга баруучулардын формасын тигүүчүлөргө конкурс жарыялайт (талаптар)
14 январь 2020
Таласта имамдын демилгеси менен айыл жаштары мүмкүнчүлүгү чектелген үй-бүлөгө турак жай курушууда
8 январь 2020
Москванын чоң залында пайгамбарыбызды (ﷺ) таанытуу кечеси болот. Билеттер сатыкта
30 декабрь 2019
Кыргызстандык 11 жаштагы Ханифа дүйнөлүк Куран жарышында 3-орунду алды
20 декабрь 2019
21 айылга суу, 1500 балага камкордук, 4 мектеп, 4 клиника... Мусулман жаштары ассамблеясынын 1 жылдык отчету
18 декабрь 2019
Бишкекте Иран маданиятынын көргөзмөсү уланууда. Каалоочуларга эшик ачык
28 ноябрь 2019
Базар-Коргондун жаштары жергиликтүү имамга «Daewoo Matiz» үлгүсүндөгү унаа белек кылышты
19 ноябрь 2019
«Окуган муун — жаркын келечек» аттуу китеп окуу конкурсу болот. Катталуу эрежелери
15 ноябрь 2019
Ошто жаштар чыгымы аз, пайдасы көп уникалдуу үйлөнүү тоюн уюштурушту
13 ноябрь 2019
Жөнөкөй жана гениалдуу кеңештер. Россиялык психолог Алсу Камалова Бишкекке келет
11 ноябрь 2019
Бишкекте кош бойлуу айымдарга арналган өзгөчө форматтагы жолугушуу болот
24 октябрь 2019
Түштүк региону боюнча Куран жарышы жыйынтыкталды. Баш байгеге автоунаа коюлду
22 октябрь 2019
Бишкекте “Үй-бүлөнү иреттештирүү” аталышындагы тегерек стол өттү
14 октябрь 2019
Адис жооп берет
Сизди кызыктыргын суроого жооп издеп, же имам суроо берсеңиз болот.
Суроого жооп берген:

Кадыр Маликов

Намаз убактылары
22 февраль 2020г.
Багымдат
06:15
Күндүн чыгуу
07:49
Бешим
13:15
Аср
16:57
Шам
18:46
Куптан
20:01