Единение. Просвещение. Созидание.
ислам журналы
С именем Аллаха, Милостивого и Милосердного. Ырайымдуу, Боорукер Аллахтын аты менен!
«Акыйкатта үммѳтүӊѳр бир эле үммѳт…» («Анбийа»сүрѳѳсү, 92-аят)

Адвокат Акин Токталиев Боом капчыгайына 7 кырдуу мечит салды

Автору: Айдай Амангелди кызы / Сүрѳттѳр: Насаат Медиа / Жарыяланды: 8 июль 2019

Кыргызстанда тоонун кырында жайгашкан 7 кырдуу, жанында булак суусу шырылдап аккан өзгөчө мечиттин курулушу аяктады. Бул ибадат жайы Боом капчыгайынын боюнда курулуп, 40 кишиге ылайыкталган. Мечитти белгилүү укук коргоочу, юрист Акин Токталиев жоро-жолдоштору менен биргеликте 2 жылдын ичинде салып бүтүрдү.

null

Мечит жайгашкан Боом капчыгайындагы жер - Акин Токталиевдин өздүк менчиги. Ал 7 жыл мурун дал ушул жерге мечит курууну пландап, демөөрчү издеп баштаган.

“7 жыл бою мечит курууга каражат издедим. 7-жылы гана бир аз каражат пайда болуп, акырындап ишти баштадык. Дал ушул себептен мечитти 7 кырдуу кылдык. Мындай архитектурадагы ибадат жайы Кыргызстанда алгачкылардан болуп саналат. Курулуш иштеринде жоро-жолдошторум колдоо көрсөттү. Короосун салып баштаганда да жардам берүүнү каалагандар өзүнөн – өзү табыла баштады. Аллах Таалам ишибизди жеңилдетип берди”,- деди Акин мырза.

null

Мечиттин ачылышы 29-июнда болуп, ага Азирети муфтий Максатбек ажы Токтомушев баштаган диний аалымдар, аксакалдар жана бардык каалоочулар катышты.

null

Акин Токталиев:

“Мечитти “Аллахтын үйү” деп атадык. Бул жакшы иште бир топ адамдардын эмгеги, салымы бар. Баардыгынан Аллах ыраазы болсун”, - дейт Акин мырза.

Эми Боом капчыгайынан өтүп бараткан жүргүнчүлөргө мечитке кирип, булак суусу менен даарат алып, Жаратканга ибадат кылып чыгууга жакшы мүмкүнчүлүк түзүлдү. Мечиттин ичинде аялдарга арналып коюлган узун көйнөк жана жоолуктар да бар.

null

Кокус кимдир-бирөө жолдо кандайдыр бир кыйынчылыкка кабылып калса, убактылуу дал ушул мечитке кирип баш калкалай турууга да уруксат берилет.

null

“Чай, кумшекер, отун-суусун даярдап, колдон келген мүмкүнчүлүктү түзүп койдук”, - дейт Акин Токталиев.

Акин мырза мечит куруу чечимин Аллахтын ыраазычылыгы үчүн жана бийлик башындагыларга үлгү болоюн деген ниет менен кабыл алганын айтты.

“Ар бир адам өлкөсүнө колунан келген салымын кошуш керек. Бул жерге көбү дача, тамактанчу жер сыяктуу жайларды курууну сунушташты. Бирок мен башынан эле бул жерде мечит турушу керек деген ойго келгем. Аллах Тааланын жардамы менен курулуш иши аяктап, ачылышы болгондо “чын эле иш бүттүбү?” деп өзүмө өзүм ишене албай турдум. Мойнумдан чоң жүк түшкөндөй өзүмдү жеңил сезип калдым”, -деп сөзүн жыйынтыктады Акин Токталиев.

1 / 6



Башка жаӊылыктар
Жаштар 9,5 миллион сом чогултуп, Лейлектин китепканаларына 35 000 китеп тапшырышты
9 декабрь 2019
Пайгамбарыбыз Мухаммед ﷺ мүмкүнчүлүгү чектелгендерге кандай мамиле кылган?
2 декабрь 2019
Базар-Коргондун жаштары жергиликтүү имамга «Daewoo Matiz» үлгүсүндөгү унаа белек кылышты
19 ноябрь 2019
«Окуган муун — жаркын келечек» аттуу китеп окуу конкурсу болот. Катталуу эрежелери
15 ноябрь 2019
Ошто жаштар чыгымы аз, пайдасы көп уникалдуу үйлөнүү тоюн уюштурушту
13 ноябрь 2019
Бишкекте “Пайгамбарыбыздын (САВ) үй-бүлөдөгү үлгүсү жана калтырган насааттары” аттуу тегерек стол өттү
12 ноябрь 2019
Жөнөкөй жана гениалдуу кеңештер. Россиялык психолог Алсу Камалова Бишкекке келет
11 ноябрь 2019
93 жаштагы Мехмет ата мечитке каттоо үчүн педалы кол менен башкарылчу велосипед жасады
7 ноябрь 2019
Бишкекте кош бойлуу айымдарга арналган өзгөчө форматтагы жолугушуу болот
24 октябрь 2019
Түштүк региону боюнча Куран жарышы жыйынтыкталды. Баш байгеге автоунаа коюлду
22 октябрь 2019
Муфтий Максатбек ажы Токтомушев Каирдеги Эл аралык конференцияга катышууда
17 октябрь 2019
Бишкекте “Үй-бүлөнү иреттештирүү” аталышындагы тегерек стол өттү
14 октябрь 2019
Профессор Кадыр ажы Маликовдун жаштарга арналган китеби кыргыз тилинде жарык көрдү
25 сентябрь 2019
Дүйнөдө алгач ирет: Кыргызстандык балдар мусулман кыздарга арналган фитнес тиркеме чыгарышты
24 сентябрь 2019
Кувейттик кайрымдуулук фонду 100 муктаж үй-бүлөгө үй куруп берди
18 сентябрь 2019
Ч.Айтматов атындагы эс алуу багы китеп окуган жаштар менен көркүнө чыкты
30 август 2019
Түркиялык студенттер Кыргызстандагы кайрымдуулук иштери менен таанышышты
21 август 2019
Алжир футболчулары Африка улуттарынын кубогунун жеңишинен соң сажда кылышты
23 июль 2019
Намаз убактылары
14 декабрь 2019г.
Багымдат
06:42
Күндүн чыгуу
08:24
Бешим
12:56
Аср
15:46
Шам
17:33
Куптан
18:48
Адис жооп берет
Сизди кызыктыргын суроого жооп издеп, же имам суроо берсеңиз болот.
Суроого жооп берген:

Кадыр Маликов