Единение. Просвещение. Созидание.
ислам журналы
С именем Аллаха, Милостивого и Милосердного. Ырайымдуу, Боорукер Аллахтын аты менен!
«Акыйкатта үммѳтүӊѳр бир эле үммѳт…» («Анбийа»сүрѳѳсү, 92-аят)

Ошто жаштар чыгымы аз, пайдасы көп уникалдуу үйлөнүү тоюн уюштурушту

Автору: Айдай Амангелди кызы / Сүрѳттѳр: http://aimak.kg/ / Жарыяланды: 13 ноябрь 2019

Мындан 3 күн мурун Ош шаарындагы ресторандардын биринде өзгөчө форматта, кайрымдуулук иши менен коштолгон үйлөнүү тою өттү. Жаш активист Нурлан уулу Нургазы жубайы Ханзада менен биргеликте тойго кетчү чыгымды турмуш-шарты оор үй-бүлөлөргө жардам катары беришти.

null

Мындан сырткары, тойго меймандарды чакыруу социалдык тармак аркылуу жүрүп, той эртең менен саат 11:00до башталып, биринчи бөлүгү аш-этсиз, дасторконсуз башталды. Катар тизилген орундуктарга келген конокторго бүгүнкүнүн эң актуалдуу маселелерин көтөргөн пайдалуу семинар өтүлдү. Мындай уникалдуу тойдон таасирленген эки жаштын санаалаштары өзүлөрүнүн ойлору менен социалдык тармактарда бөлүшүштү.

Нурлан уулу Нургазы өзү кайрымдуулук фонддорунун биринде иштегендиктен, тойго кетчү чыгымды колунда жок үй-бүлөлөргө берүүсүнүн да жөнү бардай.

Социалдык тармак аркылуу жүргөн тойго каттоо жалпысынан 700дөн ашуун конокту (бардык каалоочуларды) чогултту. Бул саамалыкка Ош шаарынын казыятынын өкүлдөрү, белгилүү диний аалым Садыбакас ажы Доолов, Маданият, маалымат жана туризм министринин орун басары Нуржигит Кадырбеков да катышышты. Алар “Үй-бүлө баалуулуктары, ысырапкорчулук, адеп-ахлак” темаларында чакан баян окушту.

“Китептердин көргөзмөсү да уюштурулуп, көпчүлүгү китеп сатып алышты. Бул той каржы жактан үнөмдүү, руханий жактан жемиштүү болгондугу менен айырмаланды.”,-дейт эки жаштын коногу Илгиз Шамырзаев.

“Семинар соңуна чыккан соң, семинарга катышкандар чай-пайсыз эле тарап кетишти. Шарт ушундай болгон. Сый тамакка: кудалар эки үстөл, ата-журт, тага журту эки үстөл, достору бир үстөл, бизге окшогон агай-эжекелери бир үстөл, жалпысы ашып кетсе 60-70 адам кирди. Ичимдиги, тамадасы, ырчы-чоорчусу, бийчиси, жалданган эстрада жылдыздары жокко эсе. Бирок эркин микрофон эфирде болду. Каалагандар каалоо-тилектерди айттык. Кой союптур, дасторкон жайыптыр, бирок ысырапкорчулук жок, уруш-талаш, карызы жок сонун той болду. Эртең, Нургазы карыз төлөйм, ресторандын чыгашасын төлөйм, аристтердин гонорарын төлөйм, бийчилердин акысын төлөйм, жылкынын акчасын берем деп башы оорубайт. Карыз төлөйм деп Россия, Казакстанга мигрант болуп жөнөбөйт. Банкка барып кредит сурап карызга батпайт. Нургазы азыркы куру намыс кыргыздардын - аёосуз, чыгашалуу, үйлөнүү үлпөтүнө ат көтөргүс чоң жаңылык киргизди!

Семинарда артымда олтурган бойдок балдар: "Мен дагы ушундай эле той кылам”, - десе, экинчиси: “Буюрса менин тоюм да Нургазыныкындай болот",- деп ниет кылып жатышты. Ниетиңерге жеткиле - келечек ээлери!”, - деп бөлүшөт жазуучу Жыргал Сулайманов өзүнүн фейсбук баракчасында.



Башка жаӊылыктар
Жалал-Абад: Тахмина жолдошу экөөнүн айлыгына кездеме алып, беткап тигип, акысыз таратышты
30 март 2020
Мусулмандардын “Ас-Сафа борбору” бирикмеси коронавирус менен күрөшүүгө 19 миллион 750 миң сом бөлдү
25 март 2020
Мекендешибиз Кайрат 1 жыл мурун теракт болгон Жаңы Зеландиядагы мечитти зыярат кылды
13 март 2020
“Лингва” фондунун жардамы менен диний окуу жайлардын студенттери англис тилин акысыз үйрөнүшөт
6 март 2020
"Бейиш балдары" фонду: Мүмкүнчүлүгү чектелген балдар жана алардын апалары коомдун колдоосуна муктаж
24 февраль 2020
Нурзат Токтосунова: “Бардык жолдор исламга алып барат. Жоолук салынып, дагы бир парзымды аткардым”
19 февраль 2020
АКШ аба күчтөрү кызматкерлерине жоолук салынууга жана сакал коюуга уруксат берди
17 февраль 2020
Кыргызстан муфтияты аялдарга арналган ислам тууралуу сабактарга чакырат
12 февраль 2020
Кыргызстандык студенттер Малайзияда өткөн азиялык араб тили дебатында 3-орун алышты
6 февраль 2020
"Ассанабил" фонду Бишкектеги атасыз жетим балдарга жөлөк пул тапшырып, оюн-зоок уюштурду
31 январь 2020
Журналисттер үчүн конкурс жарыялайбыз!
16 январь 2020
Москванын чоң залында пайгамбарыбызды (ﷺ) таанытуу кечеси болот. Билеттер сатыкта
30 декабрь 2019
Чоң-Алай жаштарынын демилгеси менен аза күткөн үйдө мал сойбоо чечими чыгарылды
26 декабрь 2019
21 айылга суу, 1500 балага камкордук, 4 мектеп, 4 клиника... Мусулман жаштары ассамблеясынын 1 жылдык отчету
18 декабрь 2019
Жаштар 9,5 миллион сом чогултуп, Лейлектин китепканаларына 35 000 китеп тапшырышты
9 декабрь 2019
Бишкекте Иран маданиятынын көргөзмөсү уланууда. Каалоочуларга эшик ачык
28 ноябрь 2019
«Окуган муун — жаркын келечек» аттуу китеп окуу конкурсу болот. Катталуу эрежелери
15 ноябрь 2019
93 жаштагы Мехмет ата мечитке каттоо үчүн педалы кол менен башкарылчу велосипед жасады
7 ноябрь 2019
Адис жооп берет
Сизди кызыктыргын суроого жооп издеп, же имам суроо берсеңиз болот.
Суроого жооп берген:

Кадыр Маликов

Намаз убактылары
10 апрель 2020г.
Багымдат
4:49
Күндүн чыгуу
6:29
Бешим
13:03
Аср
17:41
Шам
19:42
Куптан
20:57