Единение. Просвещение. Созидание.
ислам журналы
С именем Аллаха, Милостивого и Милосердного. Ырайымдуу, Боорукер Аллахтын аты менен!
«Акыйкатта үммѳтүӊѳр бир эле үммѳт…» («Анбийа»сүрѳѳсү, 92-аят)

Пайгамбарыбыз Мухаммед ﷺ мүмкүнчүлүгү чектелгендерге кандай мамиле кылган?

Автору: "Умма" журналы / Жарыяланды: 2 декабрь 2019

Бүгүн - Бүткүл дүйнөлүк мүмкүнчүлүгү чектелгендердин күнү. Аллах Таала адамдардын бардыгын ар бирине тиешелүү өзгөчөлүк менен жаратып, ар бирибиздин маңдайыбызга уникалдуу тагдырды жазган. Коомубузда бай жана кедей, алсыз жана күчтүү адамдар бар. Биз ар түрдүүбүз, бирок ар бирибиздин бул дүйнөдөгү миссиябыз, укуктарыбыз жана милдеттерибиз бар.

null

Өзгөчө тагдырлардын ээси болгон мүмкүнчүлүгү чектелген мекендештерибизге татыктуу мамиле кылуу - ар бир мусулмандын милдети. Бул иште улуу өрнөктү сүйүктүү пайгамбарыбыз Мухаммед ﷺ көрсөткөн.

Мисалы:

1- Пайгамбарыбыз Мухаммед ﷺ мүмкүнчүлүгү чектелгендерге катардагы эле адамдардай мамиле кылган. Пайгамбарыбыз ﷺ алардын коомдон бөлүнүп калуусуна жол берген эмес.

2- Пайгамбарыбыз Мухаммед ﷺ мүмкүнчүлүгү чектелгендерге алсыз адамдардай караган эмес. Тескерисинче, аларга маанилүү тапшырмаларды берип, коомдун бардык иштерине активдүү аралаштырууга аракеттенген. Мисалы, Пайгамбарыбыздын ﷺ көзү азиз сахабасы Абдулла ибн Умм Мактум Аллах элчисинин тапшырмасы менен 13 жолу жамаат менен окулчу намазга имамдык кылган. Ошондой эле, ага азанчылык милдет да жүктөлгөн.

3- Пайгамбарыбыз Мухаммед ﷺ мүмкүнчүлүгү чектелгендерге ишке орношууга, жумуш табууга ар дайым жардам берген.

Пайгамбарыбыздын убагында мүмкүнчүлүгү чектелген Захир аттуу сахаба жашаган. Ал сырткы келбетинен уялгандыктан, элдердин арасында жүрүүдөн качып, жалгыз чөлдө жашачу. Бир жолу пайгамбарыбыз мөмө-жемиштерди чогултуп, көзү азиз Захирге буларды Мединанын базарында биргеликте сатууну сунуштайт. Пайгамбарыбыз Захирге бул соода-сатык иштеринде жардамдашып, муну менен катар ага дайыма мактоо сөздөрүн айтып, “Захир-биздин чөлүбүз, а биз анын шаарыбыз”, - дечү эле.

4- Пайгамбарыбыз Мухаммед ﷺ мүмкүнчүлүгү чектелгендерди алардын сырткы келбетиндеги өзгөчөлүктөрдөн улам шылдыңдоого катуу тыюу салган. Ал мүмкүнчүлүгү чектелген адамдардын сырткы келбетин тигиле карап, кемчиликтерди издөө, аны талкуулоо, уяткаруу жаман иш-аракет экендигин эскерткен.

5- Пайгамбарыбыз Мухаммед ﷺ мүмкүнчүлүгү чектелгендерге жардам берүүгө чакырган. Аллах элчиси өзгөчө тагдырга туш болгон адамдарга да маанилүү милдеттерди жүктөгөнү менен, алардын ден соолугунун өзгөчөлүгүн эске алып, элдерди мындай адамдарга бийик адамгерчилик менен жардам берүүгө чакырган.

“Көзү көрбөгөн адамга жардам колун сунуу, дүлөй жана дудук адамдар менен алар түшүнгөндөй деңгээлде сүйлөшүү, алсызга аны колунан алып жардам берүү, кыйналып жаткан адамга даба табууга көмөктөшүү – мунун баары садаканын түрлөрү” (Ахмад ибн Ханбал).

Пайгамбарыбыз Мухаммеддин ﷺ мындай даанышман саясатынын аркасында мүмкүнчүлүгү чектелген адамдар өзүлөрүн коомдун толук кандуу мүчөсү сезип, коомдун орчундуу маселелерине активдүү катышып, маанилүү кызмат орундарын да ээлешкен.

Көңүл буруңуздар!

Кыргызстанда мүмкүнчүлүгү чектелген балдардын ата-энелерин бириктирген “Бейиш балдары” коомдук фонду бар. Бул фондго кайрымдуулук кылуу менен сиз өзгөчө балдардын энелерине чоң колдоо көрсөтөсүз.

ЭлСом: +996 773 684 176;

№/Эсеп 1280016053407506;

Телефон: 0550 102 875, 0702 193 209.



Башка жаӊылыктар
Казакстандын белгилүү дин аалымы Абдыгаппар Сманов 50 жашында дүйнө салды
2 июль 2020
Министрлик диний аалымдарды төш белги жана ардак грамота менен сыйлады
18 июнь 2020
Кыргызстан мусулмандарынын Аалымдар кеңешинин алгачкы илимий журналы жарык көрдү
12 июнь 2020
Быйылкы Рамазанда чогулган битир-садака былтыркыга караганда 23 миллион сомго аз болду
11 июнь 2020
Мусулмандардын эл аралык «NAMA» фонду Кыргызстанга жардам берет. Тизмеси менен таанышыңыз
8 июнь 2020
Кыргызстанда мечиттер качан ачылат?
2 июнь 2020
Муфтий Максат ажы: "Үйүңүздөргө конок чакырып, ооз ачуу уюштурбагыла, таравихти үйдө окугула"
13 май 2020
Бул жылга садака-фитирдин өлчөмү жана берүү жолдору
11 май 2020
"UMMA" журналынын элдик акциясында 1,1 млн. сомго доктурларга 1225 комбинезон таратылды
17 апрель 2020
Мусулмандардын “Ас-Сафа борбору” бирикмеси коронавирус менен күрөшүүгө 19 миллион 750 миң сом бөлдү
25 март 2020
“Куран жазы” аталышындагы Куран жарышы белгисиз мөөнөткө жылдырылды
17 март 2020
"Бейиш балдары" фонду: Мүмкүнчүлүгү чектелген балдар жана алардын апалары коомдун колдоосуна муктаж
24 февраль 2020
Кыргызстан муфтияты аялдарга арналган ислам тууралуу сабактарга чакырат
12 февраль 2020
Гарвард университети “адилеттүүлүккө” берилген эң мыкты аныктаманы Ыйык Курандан тапты
10 февраль 2020
Кыргызстандык студенттер Малайзияда өткөн азиялык араб тили дебатында 3-орун алышты
6 февраль 2020
Журналисттер үчүн конкурс жарыялайбыз!
16 январь 2020
Муфтият ажыга баруучулардын формасын тигүүчүлөргө конкурс жарыялайт (талаптар)
14 январь 2020
Таласта имамдын демилгеси менен айыл жаштары мүмкүнчүлүгү чектелген үй-бүлөгө турак жай курушууда
8 январь 2020
Адис жооп берет
Сизди кызыктыргын суроого жооп издеп, же имам суроо берсеңиз болот.
Суроого жооп берген:

Кадыр Маликов

Намаз убактылары
3 июль 2020г.
Багымдат
3:13
Күндүн чыгуу
5:28
Бешим
13:06
Аср
18:25
Шам
20:48
Куптан
22:31