Единение. Просвещение. Созидание.
ислам журналы
С именем Аллаха, Милостивого и Милосердного. Ырайымдуу, Боорукер Аллахтын аты менен!
«Акыйкатта үммѳтүӊѳр бир эле үммѳт…» («Анбийа»сүрѳѳсү, 92-аят)

"UMMA" журналынын элдик акциясында 1,1 млн. сомго доктурларга 1225 комбинезон таратылды

Автору: Айкөл Болотбекова, - Айдай Амангелди кызы / Жарыяланды: 17 апрель 2020

1 ай мурун “UMMA” ислам журналы медициналык персоналды жана доктурларды индивидуалдык коргоо каражаттары менен камсыздандырууда мамлекетке жардам берүү максатында “Доктурларды коронавирустан коргойбуз” аттуу девиз менен акцияны баштаган. Акцияны жөнөкөй жарандардан баштап жеке компанияларга чейинки жүздөгөн адамдар колдоду. Бул акциянын алкагында жалпысынан 1 млн. 102 500 сомго 1225 даана көп жолу кийүүгө жарамдуу 1225 коргоочу комбинезон таратылды.

null

Кыргызстанда өзгөчө кырдаал жарыяланган 1-күнү, 22-мартта, “UMMA” ислам журналы “Доктурларды коронавирустан коргойлу” девизи менен кайрымдуулук акциясын баштаган. Каражат чогултуу үчүн ЭлСом жана Сбербанктан атайын эсептер ачылган. Акциянын биринчи эле күнү эсепке акчалар которулуп, түрдүү уюмдардан өзүлөрүнүн салымын кошкусу келерин билдирген каттар түшүп жатты.

null

Алгачкы тапшырма мындай костюмдарды издөө болду. Чек аралардын жабылып калганына жана сырьенун чектелгенине байланыштуу көп жолу колдонууга жарамдуу комбинезондорду Бишкекте тиктирүү чечими кабыл алынды. Мына ушундай максат менен “UMMA” ислам журналы санитариянын бардык нормаларына жооп берген тиешелүү кездемеге буйрутма берип, өзүнүн тигүү цехин убактылуу түрдө коргоочу комбинезондорду тигүүгө багыттаганга макул болгон өндүрүшчүнү тапты. Акцияны жүздөгөн адамдар колдоду: алардын арасында мигранттар, кайрымдуулук бирикмелери, жеке уюмдар жана атайын ачылган эсепке акча которгон жөнөкөй жарандар бар.

Жеке жана коомдук фонддордон чоң салымын төмөндөгүлөр кошту:

Москвадагы аял-мигранттардын “Айымдар kg” бирикмеси, “Күч бирдикте” кайрымдуулук коому, “Альянс” алмашуу бюро ассоциациясы, “Мигрант” кайрымдуулук фонду, Москвадагы “Кара-Кулжа” бирикмеси, “Аярзат” коомдук бирикмеси.

Жеке адамдардан чоң салымын Оштогу ишкер Калмамат Анапияев, Москва жана Америка Кошмо Штаттарында иштегендер көрсөтүштү.

Мисалы, Калмамат Анапияев өзүнүн атынан түндүк регионунун медициналык кызматкерлерине 500 даана коргоочу комбинезон тиктирди.

Жыйынтыгында, акция учурунда 1 млн. 102 500 сомго 1225 коргоочу комбинезондорду сатып алууга мүмкүн болду. Алардын баары Чүй, Ош, Жалал-Абад, Ысык-Көл, Баткен жана Нарын облусунун медициналык персоналына өткөрүп берилди.

- 15 комбинезон Бишкектеги “Тазалык” муниципалдык ишканасына, андагы химиялык препараттар менен иш жүргүзгөн жана шаардын көчөлөрүн дезинфекциялаган кызматчыларга тапшырылды;

- 30 – Бишкектин шаардык жугуштуу оорулар ооруканасына;

- 15 –Бишкектеги блокпосттордо нөөмөткө чыгып жаткан №2 шаардык стоматологиялык поликлиниканын медперсоналына;

- 30 - Бишкектеги “Ак-Кеме” мейманканасында жайгашкан обсервацияга;

- 150 комбинезон Чүй облусттук ооруканасы, шаардык жугуштуу оорулар ооруканасы, Улуттук госпиталь, ИИМ поликлиникасына, Балыкчы, Таластагы шаардык ооруканаларга, ошондой эле, “Тазалык” муниципалдык ишканасынын кызматкерлерине берилди;

- 20 - №6 шаардык стоматологиялык поликлиниканын доктурларына жана мед.кызматкерлерине;

- 15 – Токмоктогу шаардык ооруканага;

- 20 – 20 колонияда иш алып барган жаза аткаруу мамлекеттик кызматынын доктурларына;

- 5 – Токмоктогу поликлиникага;

- 60- Ысык-Көл облусунун мед.кызматкерлерине;

- 50 – Нарын облусуна;

- 150 – Ош облусттук ооруканасынын кызматкерлерине;

- 100 – Жалал-Абад облусттук ооруканасына;

- 250 комплектти Ноокат, Баткен, Өзгөн, Кара-Суу, Алай жана Чоң-Алай райондорунун доктурлары алышат;

- 150 костюм, 1 километр шейшеп жана 150 000 сом өлчөмүндөгү акчалай жардамды Алай району алды;

- 75 коргоочу комбинезон, 16 антисептик кутучасы жана 68 коргоочу көз айнек Ош облусунун Кара-Кулжа районунун медициналык кызматкерлерине жөнөтүлдү;

- 100 костюм Чүй облусунун ооруканаларына жөнөтүлдү;

Комбинезондордон тышкары медициналык бет каптар жана азык-түлүк түрүндөгү жардамдар дагы көрсөтүлдү. Мисалы, Москвадагы “Кара-Кулжа” кайрымдуулук бирикмеси Кара-Кулжа районунун медициналык кызматкерлерине антисептиктен турган 16 кутуча, 68 коргоочу бет кап беришти, “Альянс” алмашуу бюро ассоциациясы -1000 бет кап, 60 литр антисептикалык каражат жана жардамга муктаждарга 65 азык-түлүк баштыгын алышты, “Аярзат” коомдук бирикмеси болсо Алайдагы ооруканага 1 километр шейшеп, 150 000 сом өлчөмүндөгү акчалай кайрымдуулук, ошондой эле, 180 000 сомго колунда жок үй-бүлөлөргө гуманитардык жардам көрсөтүштү.

Ушунун менен “UMMA” ислам журналы “Доктурларды коронавирустан коргойбуз” аттуу акциясын жыйынтыктайт. Башында 700 коргоочу костюм таратуу пландалса, жыйынтыгында анан да көп жардам көрсөтүүгө мүмкүн болду.

1 / 4



Башка жаӊылыктар
Эртең Кыргызстандын бардык мечиттеринде пайгамбарыбыз Мухаммед ﷺ тууралуу хутба өтүлөт
29 октябрь 2020
Муфтият айымдарга арнап онлайн-сабак уюштурууда. Эртең саат 11:00до муфтийдин орун басары Кадыр ажы Маликов сабак өтөт
21 октябрь 2020
Ошто жергиликтүү демөөрчү имамга «Hyundai sonata» үлгүсүндөгү автоунаа белек кылды
21 октябрь 2020
Өлкө тынчтыгы үчүн 1 жуманын ичинде 1613 Куран хатм кылынды. Куранды толугу менен окуп чыгуу дагы улантылат
20 октябрь 2020
Тоң районунда Куран жаттоо борбору курулууда
14 октябрь 2020
Муфтий өлкө тынчтыгы үчүн дин кызматкерлерине Куран хатым баштоону тапшырды
12 октябрь 2020
Муфтий Максатбек Токтомушев митингде жаракат алган бейтаптардан кабар алды
9 октябрь 2020
Мединадан Бишкекке 16 тонна Куран китеби келди
14 сентябрь 2020
Бейруттагы жарылууда жумушчунун иш бөлмөсүнөн бир кагаз да жерге түшкөн эмес. Себеби
11 август 2020
Россиядагы мекендештер Кыргызстандын кыйын кырдаалдан чыгып кетишин тилеп түлөө өткөрүштү
28 июль 2020
Өлкөдөгү кырдаалга байланыштуу Курман Айт намазы окулбайт
27 июль 2020
Улуу аалым Саид Нурсинин айтканы келди: Айя Софияда 350 миң адам жума-намазын окуду
25 июль 2020
Оор жоготуу! Чубак ажы Жалилов дүйнө салды
11 июль 2020
Бүгүн мечиттерде жума намазы окулбайт. Ордуна өз алдынча бешим намазы окулат
10 июль 2020
Казакстандын белгилүү дин аалымы Абдыгаппар Сманов 50 жашында дүйнө салды
2 июль 2020
Министрлик диний аалымдарды төш белги жана ардак грамота менен сыйлады
18 июнь 2020
Быйылкы Рамазанда чогулган битир-садака былтыркыга караганда 23 миллион сомго аз болду
11 июнь 2020
Мусулмандардын эл аралык «NAMA» фонду Кыргызстанга жардам берет. Тизмеси менен таанышыңыз
8 июнь 2020
Адис жооп берет
Сизди кызыктыргын суроого жооп издеп, же имам суроо берсеңиз болот.
Суроого жооп берген:

Кадыр Маликов

Намаз убактылары
31 октябрь 2020г.
Багымдат
5:59
Күндүн чыгуу
7:35
Бешим
12:45
Аср
16:14
Шам
18:00
Куптан
19:32
Макалалар