Единение. Просвещение. Созидание.
ислам журналы
С именем Аллаха, Милостивого и Милосердного. Ырайымдуу, Боорукер Аллахтын аты менен!
«Акыйкатта үммѳтүӊѳр бир эле үммѳт…» («Анбийа»сүрѳѳсү, 92-аят)

Кыргызстанда мечиттер качан ачылат?

Автору: "Умма" журналы / Жарыяланды: 2 июнь 2020

Бүгүнкү күндө жалпы республика боюнча бардык мечит, медреселер жабык. Алардын качан ачыларын так айтуу кыйын экендигин муфтияттын окуу бөлүмүнүн башчысы Акимжан ажы Эргешов “Умма” журналына билдирди.

%article_title%

“Коомчулук дин маселесине карата мамиледе абдан сезимтал экендигин жакшы билебиз. Коронавирус Кыргызстанда алгач табылган учурда “бул ооруну кичи ажылыкка баргандар алып келбесе, биз оорубайт элек” дегендер аябай көп болду. Коомдогу мындай мамилелер мамлекет жетекчилеринин да тынчын алып койгондой. Динибизде ибадат канчалык жоопкерчиликтүү болсо, ошол эле учурда адамдардын ден соолугу, абийири жана сезими да ошончолук кымбат. Ошондуктан, бул маселени адамдардын кабылдоосуна доо келтирбегендей кылып уруксат берели деп тиешелүү органдар аракет кылып жатышат”,- деген комментарий берди Акимжан Эргешов.

Ал эми муфтияттын маалымат бөлүмүнүн жетекчиси Максат Атабаев мечиттердин качан ачылары тууралуу өзүнүн фейсбук баракчасында буларды жазды:

“Урматтуу мусулман бир туугандар, достор, эжекелер жана карындаштар!

Кыргызстан мусулмандарынын дин башкармалыгы (КМДБ) жана Кыргызстан мусулмандарынын Аалымдар кеңеши мусулмандардын башында турган жооптуу мекеме болгондон кийин мечиттердин ачылуусу боюнча буга чейин эле тиешелүү мекемелерге атайын кат аркылуу кайрылып келген жана кайрылып келет. Мамлекетибиз тарабынан этап- этабы менен ачылган жайлар (базар, цехтер ж.б) учурунда дагы мечиттердин ачылуусу боюнча дайыма өзүнүн сунуштарын берип келген. Бул жаатта КМДБ өзүнө тиешелүү болгон бардык милдеттерди так аткарган. Буюрса мечиттердибиздин ачылуусуна аз калды. Сабыр кылып, мамлекетибизде бул оорунун жок болушу жана ооруп калган мекендештерибиздин тез сакайып кетүүсү үчүн дуба кылалы!

Учурда муфтият тарабынан мечиттерде карантиндин эрежелерин сактоо боюнча атайын тартиптер иштелүүдө. Мечиттерибиз ачылып калса жарандарыбыздын ден соолугу жана коопсуздугу үчүн бардык аракеттер көрүлүүдө. Андыктан дагы бир жолу сабыр кылууга чакырам!”

2-июнга карата Кыргызстанда коронавирус жуккан 28 адам жаңы катталды. Жалпысынан Кыргызстанда коронавирус 1845 адамдан табылды, алардын ичинен 17 бейтап кайтыш болду, 1219 бейтап айыгып кетти.



Башка жаӊылыктар
Москвада кыргыздар Курман Айтты чоң шаң менен белгилешти
4 август 2020
Улуу аалым Саид Нурсинин айтканы келди: Айя Софияда 350 миң адам жума-намазын окуду
25 июль 2020
ТОП-10: Айзат Топчубаева ЖРТ да жогорку упай алып, алтын сертификатка ээ болду
24 июль 2020
Ааламдан дагы бир аалым өттү: Бишкектин казысы Садриддин ажы бүгүн жерге берилди
11 июль 2020
Оор жоготуу! Чубак ажы Жалилов дүйнө салды
11 июль 2020
Бүгүн мечиттерде жума намазы окулбайт. Ордуна өз алдынча бешим намазы окулат
10 июль 2020
Кыргызстан мусулмандарынын Аалымдар кеңешинин алгачкы илимий журналы жарык көрдү
12 июнь 2020
Быйылкы Рамазанда чогулган битир-садака былтыркыга караганда 23 миллион сомго аз болду
11 июнь 2020
Мечит жана намазканалар 8-июндан тарта ачылат
4 июнь 2020
Токтогулдагы 44 айылда алкоголь сатууга тыюу салынышы мүмкүн. Ичкиликке каршы акция жалпы Кыргызстанды камтыйт
27 май 2020
Муфтий Максат ажы: "Үйүңүздөргө конок чакырып, ооз ачуу уюштурбагыла, таравихти үйдө окугула"
13 май 2020
Бул жылга садака-фитирдин өлчөмү жана берүү жолдору
11 май 2020
Бүткүл дүйнөлүк мусулман жаштары ассамблеясы 6000 үй-бүлөгө жардам таратууда
18 апрель 2020
"UMMA" журналынын элдик акциясында 1,1 млн. сомго доктурларга 1225 комбинезон таратылды
17 апрель 2020
Жалал-Абад: Тахмина жолдошу экөөнүн айлыгына кездеме алып, беткап тигип, акысыз таратышты
30 март 2020
“Куран жазы” аталышындагы Куран жарышы белгисиз мөөнөткө жылдырылды
17 март 2020
“Лингва” фондунун жардамы менен диний окуу жайлардын студенттери англис тилин акысыз үйрөнүшөт
6 март 2020
"Бейиш балдары" фонду: Мүмкүнчүлүгү чектелген балдар жана алардын апалары коомдун колдоосуна муктаж
24 февраль 2020
Адис жооп берет
Сизди кызыктыргын суроого жооп издеп, же имам суроо берсеңиз болот.
Суроого жооп берген:

Кадыр Маликов

Намаз убактылары
6 август 2020г.
Багымдат
4:05
Күндүн чыгуу
5:58
Бешим
13:08
Аср
18:10
Шам
20:21
Куптан
21:49