Единение. Просвещение. Созидание.
ислам журналы
С именем Аллаха, Милостивого и Милосердного. Ырайымдуу, Боорукер Аллахтын аты менен!
«Акыйкатта үммѳтүӊѳр бир эле үммѳт…» («Анбийа»сүрѳѳсү, 92-аят)

Оор жоготуу! Чубак ажы Жалилов дүйнө салды

Автору: "Умма" журналы / Жарыяланды: 11 июль 2020

Белгилүү диний аалым, сүйүктүү устаз, Аалымдар кеңешинин мүчөсү, мурдагы муфтий Чубак ажы Жалилов 45 жаш курагында дүйнө салды.

%article_title%

Чубак ажы Жалилов 11-июлга оогон түнү Бишкектеги Улуттук госпиталга оор абалда жеткирилген.

"Азаттык" радиосунун маалыматына ылайык, устаз дарыгерлерден "дем алдырчу аппаратыңыздарды эртерээк туташтырасыздарбы" деп суранган.

Ага кычкылтек концентраторунан экөө дароо туташтырылган. Дарыгердин айтымында, бейтап ооруканага түшкөндөн бир сааттай убакыттан соң көз жумган.

Жалпы кыргыз эли, мусулман үммөтү үчүн бул орду толгус чоң жоготуу. Баарыңыздарга, Чубак ажынын жакындарына жана үй-бүлөсүнө кайгысын жүрөктөн тең бөлүшүп, терең кайгыруу менен көңүл айтабыз!

Ин­на-Лил­ля­хи Ва-Ин­на-Иляй­хи-Рад­жи­ун - Чындыгында, биз Аллага таандыкпыз жана ага гана кайтабыз!

Чубак ажы көптөгөн жаштардын, жамы журттун сүймөнчүлүгүнө татыган устазы эле. Устаздын сабактары чет тилдерге которулуп, динди жатык тилде, чоң даанышмандык менен жеткиргенинен айрымаланып турчу.

Устаздын жаназасы болжол менен бүгүн (11.07.2020) саат 16:00-18:00 чамасында Базар-Коргон районунун Баймундуз айылында болору белгилүү болду.

Чубак устазды Аллах Таала мээримине алып, бейиштин төрүнөн орун берсин!

Чубак ажы Жалилов 1975-жылы 21-январда Жалал-Абад облусуна караштуу Базар-Коргон районундагы Бай-Мундуз айылында туулган.

Атасы Жалилов Тажибай математика мугалими, апасы Сакыева Гулжамал англис тили боюнча мугалим болгон. Чубак ажы Жалилов үй-бүлөдө алты бир туугандын экинчиси болгон.

Чубак ажы Жалилов 1992-1996-жылдары Азирети Умар атындагы Кыргызстан Ислам университетинде, 2000-2002-жылдары Сауд Арабиясыдагы "Умм аль-Куро" эл аралык университетинин алдындагы араб тили институтунда, 2002-2006-жылдары аталган университетте фикх боюнча билим алган. Орто мектепти алтын медаль менен, ал эми жогорку окуу жайларды кызыл диплом менен бүтүргөн. Эне тилинде жана орус, араб тилдеринде эркин сүйлөйт.

Чубак ажы Жалилов фикх (шариат мыйзамдары, укук), араб тилинин грамматикасы, тафсир (Куран аяттарына түшүндүрмө берүү жана комментарийлөө), хадис терминологиясы жана хадис таануу илимдери боюнча окутууга, чечим (фатва) чыгарууга уруксааты бар документтердин ээси.

Чубак ажынын өзгөчөлүгү деп өздүк 3 бөлмө китепканасы, башкача айтканда 5 тоннадай китеби бар экендигин айтууга болот. Бир жолу унаасын сатып, акчасына чет өлкөдөн 1 тонна 700 килограмм салмакта китептерди алдырткан. Бир күндө адабий китептерден 500 беттей окуган. Китеп окуп, маселенин чечимин издегенди, анализдегенди жактырган жана убактысынын көп бөлүгүн ушул ишке арнаган.



Башка жаӊылыктар
Москвада кыргыздар Курман Айтты чоң шаң менен белгилешти
4 август 2020
Россиядагы мекендештер Кыргызстандын кыйын кырдаалдан чыгып кетишин тилеп түлөө өткөрүштү
28 июль 2020
Өлкөдөгү кырдаалга байланыштуу Курман Айт намазы окулбайт
27 июль 2020
Улуу аалым Саид Нурсинин айтканы келди: Айя Софияда 350 миң адам жума-намазын окуду
25 июль 2020
Бүгүн мечиттерде жума намазы окулбайт. Ордуна өз алдынча бешим намазы окулат
10 июль 2020
Кыргызстан мусулмандарынын Аалымдар кеңешинин алгачкы илимий журналы жарык көрдү
12 июнь 2020
Мечит жана намазканалар 8-июндан тарта ачылат
4 июнь 2020
Токтогулдагы 44 айылда алкоголь сатууга тыюу салынышы мүмкүн. Ичкиликке каршы акция жалпы Кыргызстанды камтыйт
27 май 2020
Пандемияга байланыштуу Орозо айт намазы мечиттерде жана аянтта окулбайт
23 май 2020
Муфтий Максат ажы: "Үйүңүздөргө конок чакырып, ооз ачуу уюштурбагыла, таравихти үйдө окугула"
13 май 2020
Бул жылга садака-фитирдин өлчөмү жана берүү жолдору
11 май 2020
Бүткүл дүйнөлүк мусулман жаштары ассамблеясы 6000 үй-бүлөгө жардам таратууда
18 апрель 2020
Жалал-Абад: Тахмина жолдошу экөөнүн айлыгына кездеме алып, беткап тигип, акысыз таратышты
30 март 2020
Мусулмандардын “Ас-Сафа борбору” бирикмеси коронавирус менен күрөшүүгө 19 миллион 750 миң сом бөлдү
25 март 2020
Мекендешибиз Кайрат 1 жыл мурун теракт болгон Жаңы Зеландиядагы мечитти зыярат кылды
13 март 2020
“Лингва” фондунун жардамы менен диний окуу жайлардын студенттери англис тилин акысыз үйрөнүшөт
6 март 2020
Жарыя! “Куран жазы” аттуу республикалык Куран жарышы өтөт. Тандоо туруна катышыңыз
4 март 2020
Нурзат Токтосунова: “Бардык жолдор исламга алып барат. Жоолук салынып, дагы бир парзымды аткардым”
19 февраль 2020
Адис жооп берет
Сизди кызыктыргын суроого жооп издеп, же имам суроо берсеңиз болот.
Суроого жооп берген:

Кадыр Маликов

Намаз убактылары
6 август 2020г.
Багымдат
4:05
Күндүн чыгуу
5:58
Бешим
13:08
Аср
18:10
Шам
20:21
Куптан
21:49