Единение. Просвещение. Созидание.
ислам журналы
С именем Аллаха, Милостивого и Милосердного. Ырайымдуу, Боорукер Аллахтын аты менен!
«Акыйкатта үммѳтүӊѳр бир эле үммѳт…» («Анбийа»сүрѳѳсү, 92-аят)

Кыргызстан мусулмандары Франциянын "исламофобиялык" саясатына каршы өз пикирин активдүү билдирүүдө

Автору: Айдай Амангелди кызы / Жарыяланды: 2 ноябрь 2020

Бишкекте, кечээ, 1-ноябрь күнү Горький атындагы эс алуу багында пайгамбарыбыз Мухамедди ﷺ акаараттоого каршы тынчтык акциясы өттү.

Катышуучулар колдоруна “Биз пайгамбарыбыз Мухаммедди ﷺ сүйөбүз”, “Биз Пайгамбарыбызга ﷺ тартылган карикатураларга каршыбыз”, Пайгамбарыбыздын ﷺ жашоосу - үлгү алууга улуу өрнөк”, “Пайгамбарыбыздын ﷺ намысы- биздин намысыбыз”, “Пайгамбарыбызга ﷺ кылынган акаарат кечирилбейт” деп жазылган транспаранттарды көтөрүп чыгышты.

null

Кыргызстандагы мусулмандар Франциянын президенти Эммануэль Макрондун сөз эркиндигин жамынган ислам, мусулмандар жана Мухаммед ﷺ пайгамбардын намысына шек келтирген сөздөрүнө, “исламофобдук” саясатына каршы экендигин активдүү билдиришти.

Жогорку Кеңештин экс-депутаты Турсунбай Бакир уулу тынчтык акциясындагы сүйлөгөн сөзүндө Макронду “артта калган адам” катары сыпаттады.

“Макрон Францияга агартылган исламды алып келем деп жатат. Мусулмандарды цивилизацияга үйрөтөм деп жатат. Сен өзүң агартылган болсоң, тирүү кезинде жаннат убаланган сахабалардын бирөөсүн айтып бере аласыңбы? Бир аят, бир хадис айтып бере аласыңбы? Бирөөсүн да билбейсиң. Сенин жүргүзгөн саясатың сөз эркиндиги эмес, бул ачыктан ачык ислам динине болгон чабуул. Буга чейин сенден өткөн агартылган француздар өткөн. Жан-Жак Руссо, Виктор Гюго, Оноре де Бальзак, Александр Дюма сыяктуу жазуучулар мсулмандарды жамандап жазат эле да. Жок, алар антишкен эмес. Анткени алар чыныгы агартылган, жогорку маданияттуу француздар эле. Кандай таланттуу француз сүрөтчүлөрү өтүштү. Алардын бири да Пайгамбарыбызды ﷺ шылдыңдап карикатура тартышкан эмес. Сен мусулмандарды жамандасам авторитетим көтөрүлөт деп ойлошуң мүмкүн. Тескерисинче, Аллах Таала сендейлердин шермендесин тез эле чыгарып коет”,
- деди.

null

Тынчтык акциясына катышкандар пайгамбарыбызга ﷺ арнап ыр окушту, дүйнө жүзүндөгү мусулмандар менен биргеликте исламдын баалуулуктарын коргоо позициясында бекем турушарын билдиришти.

Белгилесек, ушундай эле тынчтык акциясы 30- октябрда Ош облусунда да уюштурулган.

Эске салсак, буга чейин Кыргызстан мусулмандарынын дин башкармалыгы дүйнө жүзү боюнча миллиарддан ашуун мусулмандардын диний сезимдерин жана ыйык жайларын мазактоого жол берилгис экендигин баса белгилеп, мындай кадамдарды расмий айыптарын айткан. 31- октябрда болсо Кыргызстандагы дин ишмерлери “Акипресс” маалымат агенттигинде журналисттерге пресс- конференция уюштурушкан эле. Дүйнө жүзүндө миллиарддаган адам идеал туткан Пайгамбардын ﷺ дарегине ыпылас карикатураларды тартууну улантуунун демократия жана сөз эркиндиги менен такыр байланышы жок экендигин белгилешкен.

null

Эске салсак, 21-октябрда Франциянын Монпелье жана Тулуз шаарларында “Charlie Hebdo” журналы Мухаммад пайгамбарды (Аллахтын ага салам-салаваттары болсун) мазактап тарткан карикатураларды шаардык өкмөттүн имаратында чоңойтуп көрсөтүшкөн. Бул көрүнүш Францияда кол салуу менен өлтүрүлгөн география жана тарых мугалими Сэмюэль Пати менен акыркы ирет коштошуу иш-чарасында сөз эркиндигин коргоо урааны менен уюштурулган.

5 жылдык мугалимдик тажрыйбасы бар 47 жаштагы мугалим Пати өз сабагында сөз эркиндиги тууралуу кеп кылып, “Charlie Hebdo” журналы Мухаммад пайгамбарды (Аллахтын ага салам-салаваттары болсун) мазактап тарткан карикатурларды 13 жаштагы окуучуларга көрсөткөн.

Мугалимдин мыкаачылык менен өлтүрүлүшүнөн соң Франциянын билим берүү министри пайгамбарлар шылдыңдалып тартылган карикатураларды мектеп жана лицейлер үчүн өзүнчө жыйнак кылып чыгарууга уруксат берген эле.

Сүрөттөр журналист Айдана Жумадылова жана коомдук ишмер Турсунбай Бакир уулунун фейсбук баракчасынан алынды.



Башка жаӊылыктар
Бишкекте "Менин жемиштүү Рамазаным" аттуу иш-чара өттү
5 апрель 2021
Бишкекте “Менин жемиштүү Рамазаным” аттуу иш-чара өтөт. Катталыңыз!
23 март 2021
Эл аралык аялдардын бизнес-форуму жемиштүү аяктады. Дал ушул форум Ошто 27-мартта өтөт
10 март 2021
Нарындагы Дыйкан айылында мындан ары спирт ичимдиктери сатылбайт
24 февраль 2021
Хакасиянын тарыхында алгачкы мечит курулууда. Үммөттүн жардамы керек
12 январь 2021
Ирсалат Исмаилова Чоң-Алай району боюнча "Жылдын мыкты мектеп директору" болду
31 декабрь 2020
Мусулман айымдарды өнүктүрүүгө арналган бизнес борбор ачылды
7 декабрь 2020
"Бейиш балдарына" арналган майрамдык кече өткөрүлдү
4 декабрь 2020
Дин аалымы жана коомдук ишмер Өзүбек ажы Чотонов “Берешен” медалы менен сыйланды
3 декабрь 2020
Кыргызстанда кайрымдуулук фонддор тарабынан курулган шаарчалар көбөйүүдө
2 декабрь 2020
Жети-Өгүздө Тилекмат айылынын жаштары жергиликтүү имамга "Volkswagen vento" унаасын белекке беришти
2 декабрь 2020
Ат-Башынын жаштары көк бөрүдөн утуп алган унаасын имамга белекке беришти
24 ноябрь 2020
Жамал Фронтбек кызы: “Мусулман айымдарын ар тармактан өнүктүрүп, өз потенциалын ачуусуна жардам бергибиз келет”
11 ноябрь 2020
Эртең Кыргызстандын бардык мечиттеринде пайгамбарыбыз Мухаммед ﷺ тууралуу хутба өтүлөт
29 октябрь 2020
Кадыр Маликов: “Муфтият пайгамбарыбыз Мухаммедди (САВ) кордогон карикатураларды расмий айыптайт”
26 октябрь 2020
Ошто жергиликтүү демөөрчү имамга «Hyundai sonata» үлгүсүндөгү автоунаа белек кылды
21 октябрь 2020
Өлкө тынчтыгы үчүн 1 жуманын ичинде 1613 Куран хатм кылынды. Куранды толугу менен окуп чыгуу дагы улантылат
20 октябрь 2020
Муфтият бардык фатвалар жайгаштырылчу, окурмандардын суроолоруна жооп берчү darulifta.kg сайтын иштеп чыкты
16 октябрь 2020
Адис жооп берет
Сизди кызыктыргын суроого жооп издеп, же имам суроо берсеңиз болот.
Суроого жооп берген:

Кадыр Маликов

Макалалар
Намаз убактылары
18 апрель 2021г.
Багымдат
4:32
Күндүн чыгуу
6:16
Бешим
13:01
Аср
17:47
Шам
19:51
Куптан
21:06