Единение. Просвещение. Созидание.
ислам журналы
С именем Аллаха, Милостивого и Милосердного. Ырайымдуу, Боорукер Аллахтын аты менен!
«Акыйкатта үммѳтүӊѳр бир эле үммѳт…» («Анбийа»сүрѳѳсү, 92-аят)

Турдакун Ниязалиевдин ыры Түркияда эл оозуна алынып, чоң популярдуулукка ээ болду

Автору: Айдай Амангелди кызы / Жарыяланды: 21 июнь 2021

Таалим-тарбия, адеп-ахлак темаларында обондуу чыгармаларды жазып, мекенчилдикке үндөгөн маданият кызматкери Турдакун Ниязалиев жакында эле Түркия мамлекетине арнап, “Улуу Түркия” аттуу ырды аткарып чыкты. Бул ырдын сөзү жана обону Турдакун мырзанын өзүнө таандык.

%article_title%

“Улуу Түркия” ырынын тексти кыргыз жана түрк тилдеринде жазылып, анда Түркиянын меймандостугу, мусулман үммөтүнө ар дайым кыйынчылыкта кол созгону тууралуу айтылып, муну менен бирге Түркиянын тарыхында маанилүү ролду ойногон саясий лидерлердин ысымы эскерилген.

Алгач бул ырдын аудио версиясы слайддын коштоосунда чыгып, 3 күндүн ичинде эле түрк элине желдей тараган. Чыгарманы Түркиянын президенти Режеп Тайип Эрдоган 2-3 ирет кайталап укканын анын кеңешчилери айтышкан.

%article_title%

“Түркия парламентинин депутаты жана Режеп Тайип Эрдогандын кеңешчиси Режеп Шекер “Түркия үчүн жакшы ыр жазыпсың” деп, ыраазычылыгын билдирди. Режеп Шекер мырза бир катар ишкерлер менен Бишкекке иш-сапарына келишип, алар менен бул жакта жолуктук. Түркиянын маданият тармагы боюнча президенттин кеңешчиси Ялчын Топчу биздин маданият министрлигине бул ыр Түркия президентинин купулуна толгонун айтыптыр”,
- дейт Турдакун мырза.

%article_title%

Ал эми мындай темада чыгарма жазуу идеясы кандайча келгенин Турдакун Ниязалиев кененирээк айтып берди:

“Түрк менен кыргыз - тарыхый жактан алганда бир тууган эл. Өзгөчө түрктөр кыргыздарга боор тартып, “биздин бир туугандарыбыз” деп жакшы көрүп турушат. Бул Түркияга барганда аябай сезилет. Анкара шаарында акылдуу шаар долбооруна тийиштүү техникаларды чыгарган ишкананын жана техникалардын атын түрктөр “Манас” деп аташыптыр. Алар кыргыздын элдик баатыры болгон Манасты өздөрүнүн атасындай кабыл алып, маанилүү объектилердин бирине анын атын коюшту. Ошондой эле, Түркияда “Otokar” компаниясы иштеп чыккан жөө аскерлер унаасына “Тулпар” деген ысым ыйгарышыптыр. Аталган ишкананын башчысы Сердар Геркүч жаңы муундун аскер техникасынын ысымы кыргыздын “Манас” эпосундагы баатырлардын жанын сактаган тулпарлардын урматына коюлганын айткан. Түрк элинин мына ушундай кыргыз элине боор тартып, жакын көргөнүнөн илхам алып, мен да Түркияга арнап чыгарма жазгым келди. Бул ырым аркылуу эки элдин достугуна жана өз ара кызматташуусуна өз салымымды кошууну кааладым”,
- деп ой бөлүштү Турдакун мырза.

“Улуу Түркия” чыгармасы Түркияда абдан жылуу кабыл алынып, түрк массалык маалымат каражаттары тарабынан кенен чагылдырылды. Кыргызстанда да ырды патриоттук менен достуктун духунда кабыл алгандар көп болду.

“Албетте, жакшы пикирлер менен бирге терс ой айткандар да бар. Бул ырымды кошоматчылык деп баалап, андан көрө Кыргызстанга арнап ыр чыгарбайсыңбы деп жазгандар чыкты. Алар менин Кыргызстанга арналган ырым бар экенин билишпейт окшойт. “Улуу Түркия” ырымдын маанисин туура түшүнүп, патриоттуулук менен ынтымак, достукка чакырган чыгарма катары кабыл алган угармандарыма ыраазычылыгымды билдирем. Бул оюма кошумча, бизде маданият жан шоу бизнес тармагын чагылдырган массалык маалымат каражаттарынын мындай саамалыкка көңүл кош карашкандыктары мени ойлондурганын да айта кетпесем болбойт. Азыр ким кандай көйнөк кийди, каякка барып тамак ичкени тууралуу маанисиз, толгон-токой маалыматтар жазылып жатат. Ошолордун арасында эл аралык дипломатияга арналган салмактуу чыгарманын журналисттердин көзүнө илинбей калганы мен үчүн суроо жаратты. Албетте, капаланбайм. Эң башкысы- элдин таразасы”,
- деди Турдакун мырза.

Ал арада күн сайын түрк элинен Турдакун мырзанын социалдык тармагына келген ыраазычылык каттары, Түркия прессасында кыргызстандык ырчынын “Улуу Түркия” чыгармасы активдүү чагылдырылып жатканы чынында эле эки элдин өз ара туугандык жана достук алакасына зор таасирин тийгизип жатканы байкалды.



Башка жаӊылыктар
Түркия Имам Сарахси жөнүндө кино тартып баштады. "Имамдардын күнү" атка конгон улуу аалым тууралуу 9 факт
15 сентябрь 2021
I “Куран жазы” республикалык Куран жарышы өтөт. Катышуу шарттары
30 август 2021
Британиялык Адам Мухаммед ажылык сапарга жөө аттанды. Меккеге 1 жылда жетет
18 август 2021
Өзбекстан мусулмандарынын муфтийи Усмонхон Алимов 72 жаш курагында дүйнө салды
16 август 2021
Оштун Имам-Ата айылында 1050 орундуу мечит ачылды
13 август 2021
Ислам менен шыктанган баскетболчу Кайри Ирвинг Пакистандын миңдеген тургунун таза суу менен камсыздады
12 август 2021
Айсулуу Тыныбекованын аэропортто теспе тартып отурган сүрөтү көпчүлүктүн көңүлүн бурдурду
29 июль 2021
Кыргызстан мусулмандарынын Аалымдар кеңеши Covid-19га каршы эмдөө боюнча фатва (диний чечим) чыгарды
15 июль 2021
2021-жылда курмандык чалууну биз менен бирге ишке ашырыңыз!
15 июль 2021
Өзбекстанда хиджаб кийүүгө болгон тыюу алынып салды
8 июль 2021
Бүгүн Аалымдар кеңешинин жаңы курамы бекитилди. Тизме
26 июнь 2021
Москвада Пайгамбарыбызга ﷺ арналган мавлид кечесине 6000 киши келди
25 май 2021
Бишкек казыяты Баткен жана Лейлекке 1,5 миллион сомдук жардам жеткирди
24 май 2021
Газада Израилдин жардыруусунан набыт кеткендер 212ге жетти. 61и- жаш балдар
18 май 2021
Москванын “Крокус Сити Холл” чоң залында Пайгамбарыбызга ﷺ арналган “Өмүрдүн баалуулугу” аттуу кече өтөт
4 май 2021
1-2-майда Кыргызстандын бардык мечиттеринде марумдардын арбагына багышталып, Куран окулду
3 май 2021
Бишкек жана Чүйдө мечиттерде убактылуу жума намаздары окулбайт
3 май 2021
Кадыр түндүн болжолдуу датасы айтылды
23 апрель 2021
Намаз убактылары
18 сентябрь 2021г.
Багымдат
5:09
Күндүн чыгуу
6:45
Бешим
12:56
Аср
17:17
Шам
19:10
Куптан
20:43
Адис жооп берет
Сизди кызыктыргын суроого жооп издеп, же имам суроо берсеңиз болот.
Суроого жооп берген:

Кадыр Маликов

Макалалар