«Жоолугум - менин сыймыгым» долбоору Караколдо уюштурулду

Каракол шаарында “Жоолугум – менин сыймыгым” долбоорунун алкагында жыйырмадай айым жоолук салынышты. Ошондой эле аялдар үчүн атайын семинар уюштурулду. Бул тууралуу долбоордун уюштуруучулары билдиришти.

%article_title%

Каракол шаардык Казыятынын окуу бөлүмүнүн башчысы Талгат устаз жоолуктун маани-маңызы, баалуулуктарын тушүндүрдү. Долбоорду баштаган Амаль Мирановага ыраазычылыгын билдирип, буларга токтолду:

“Жакшы иш баштапсыңар, Аллахым ыраазы болсун. Жоолук кийген айымдарга бекем ыйман тилейбиз. Зал айымдарга толуп калганы бизди кубандырды”

, - дейт ал.

%article_title%

“Иш-чара Каракол шаарында уюштурулганы мени аябай кубандырып отурат. Долбоордун максаты - ар бир ыйманга келген айымдын жакшылыгына түрткү болуу. Динде кыйноо жок, ар бир айым өз каалоосу менен жоолукка келет. Биз болгону ушул күнү эсте калаарлык деңгээлде жардам көрсөтөбүз. Албетте, Алланын ыраазычылыгы үчүн”

, - дейт долбоордун баштоочусу – коомдук ишмер, журналист Амаль Миранова.

%article_title%

Ал эми иш-чаранын арты менен жоолукка келген айым ыраазычылыгын төмөнкүчө билдирип өттү:

“Мен көптөн бери ниет кылып жүргөм. Сиздер себеп болуп бүгүн ниетиме жетип отурам. Уюштуруучуларга Аллах ыраазы болсун. Эң негизгиси, бүгүн жоолук салынгандардын жоолугу түбөлүктүү болсун”.

%article_title%

Каракол шаарында уюштурулган кезектеги кайрымдуулук иш-чара Куран сабактарын өткөн Марьям устазанын сунушу менен өткөрүлгөн.

“Жоолук салынам деген эжелерге демөөрчү болуп, көйнөк, жоолуктарын алып берген айымдарга терең ыраазычылык билдиремин. Каракол шаарынын мусулман айымдары ушунчалык ынтымактуу экенбиз. Кудайга шүгүр”

, - дейт Марьям устаза.

%article_title%