Дүйнөлүк Куран жарышта мекендешибиз Мухаммедали 1-орунду ээледи

Сауд Арабиясында уюштурулган Дүйнөлүк Куран окуу жана Куран тафсири боюнча жарышта мекендешибиз Мухаммедали Умаров баш байгени алды.

%article_title%

Меккеде өткөн Куран жарышка дүйнөнүн 111 мамлекетинен 153 хафиз катышкан. Дүйнөнүн алдыңкы хафиздеринин ичинен кыргызстандык Мухаммедали алдыга суурулду. Ал 30 пара Куранды жатка айтуу жана тафсир категориясы боюнча 1-орунду багынтты.

Жеңүүчү мекендешибиз 250 миң риалга (5 млн 500 миң) ээ болду.

Кыргызстандык хафиз утуштан кийинки сезимдери тууралуу буларга токтолду: “Мен 1-орунду алам деп ойлогон эмесмин. Абдан күтүүсүз болду. Аллах Таалам дубабызды кабыл кылды. Кудайга чексиз шүгүр”.

Мухаммедали хафиз туууралуу фактылар:

1. Мухаммедали Умаров 1998-жылы Аламүдүн районунун Октябрь айылында төрөлгөн.

2. Хафиз 4 жашынан баштап, Куран жаттап баштаган. Ал эми 11 жашында Ыйык Куранды толук жаттап бүткөн.

3. Анын Куран жаттап калышына ата-энеси себепчи болгон. Алгач Куранды атасы үйрөткөн.

4. Мухаммедали Умаров былтыр Иран мамлекети уюштурган Дүйнөлүк Куран жарышында 3-орунду ээлеген.

5. Учурда ал Медина шаарындагы Ислам университетинин 1-курсунун студенти.

Башка жаӊылыктар

Салах ад-Динь Аль-Аюби тууралуу сериал тартылат
29 сентябрь 2023

Анадолудагы жыгач мечиттер ЮНЕСКОНУН тизмесине кирди
29 сентябрь 2023

Курандын өрттөлүшүнө каршы чыккан мусулмандар
5 сентябрь 2023

Президент Садыр Жапаров умра кылды
20 июль 2023

Израилдин кол салуусунан 7 палестиналык курман болду
20 июнь 2023