Единение. Просвещение. Созидание.
ислам журналы
С именем Аллаха, Милостивого и Милосердного. Ырайымдуу, Боорукер Аллахтын аты менен!
«Акыйкатта үммѳтүӊѳр бир эле үммѳт…» («Анбийа»сүрѳѳсү, 92-аят)

Үч күн аралыгында ачка жүрүү, бүткүл иммундук системаны калыбына келтирет

Жарыяланды: 14 июнь 2016

Үч күн аралыгында ачка жүрүү, бүткүл иммундук системаны калыбына келтирээрин (жада калса, жашы улгайган адамдарда дагы) аныктаган окумуштуулар, бул ачылышты укмуштуу жаңылык катары баалашты.

Ачка жүрүү, диетологдор тарабынан сын-пикирлерге кабылганына карабастан, жаңы изилдөөлөр көрсөткөндөй, ачка жүргөндөрдүн клеткалары, ак кан клеткаларын пайда кылып, алар инфекция менен жигердүү күрөшөт.

Түштүк Калифорния университетинин окумуштуулары белгилегендей, аталган ачылыш, онкологиялык оорулардын натыйжасында, химиялык терапия алып, иммундук системасы жабыркаган адамдар үчүн өзгөчө пайдалуу. Ал гана эмес, бул ачылыш улгайган адамдарга да таасирдүү. Анткени, алардын жашы өткөн сайын, кеңири таралган ооруларга туруштук берүү натыйжасыз боло баштайт.

Окумуштуулар белгилегендей, орозо кармоо «кайра калыбына келүү багытын алмаштырып», клеткалардын, жаңы ак кан клеткаларын пайда кылышын жандандып, анын натыйжасында, бүткүл иммундук система кайра калыбына келет.

Калифорния университетинин геронтология жана биология илимдеринин профессору, Вальтер Лонго мындай дейт: "Бул, клеткаларга «Башта» командасын берип, натыйжада, бүткүл система кайрадан түзүлөт. Дагы бир жакшы кабар, орозо кармоодо, дене, жабыркаган же натыйжасыз деп эсептелген микроорганизмдерден арылат. Эгерде, организм химиялык терапиядан күчтүү жабыркаса, ачка жүрүүдөн, жаңы иммундук система түзүлөт. Узак убакыт ачка жүрүү, организмди сакталып турган глюкозаны жана майды колдонууга мажбурлап, ак кан денечелеринин көпчүлүк бөлүгү бузулууга учурайт.

Ачка болгон учурда, ак кан клеткалары өзгөрүүнү козгоп, анын негизинде, иммундук системанын жаңы клеткалары түзүлө баштайт.

Тажрыйба жүргүзүлүп жаткан учурда, адамдар, алты ай аралыгында, 2-4 күн ачка болушкан. Окумуштуулар аныктагандай, узак убакыт ачка жүрүү, протеинкиназа А ферментин төмөндөтүп, залалдуу шишиктин өрчүү тобокелдигин жогорулаткан гормондордун санын азайтып, улгаюнун алдын алат.

Профессор Лонго белгилегендей: «Узак убакыт ачка жүрүү, кан пайда кылуу тутумунун клеткаларына мынчалык таасир тийгизерин билген эмеспиз. Биз, узак убакыт ачка жүргөндө, адамдын жана жаныбарлардын организмдеринде, кандагы лейкоциттердин саны саны азайганын байкай алдык. Кайрадан тамак ичип баштаганда, кандын клеткалары калыбына келет. Ошентип, алар кайдан пайда болот? – деген суроо жаралды».

72 саат аралыгында, ачка жүрүү, залалдуу шишик оорусунан жабыркагандарды, химиялык терапиянын уулуу таасиринен коргойт.

Түштүк Калифорния университетинин клиникалык медицина кафедрасынын доценти, Таня Дорфф белгилегендей: «Химиялык терапия өз кезегинде, өмүрдү сактаганы менен, иммундук системага орду толгус зыян алып келет. Изилдөөлөр көрсөткөндөй, орозо кармоо, химиялык терапиянын зыяндуу таасирлерин азайтат. Бул акыркы чек эмес. Дагы бир катар клиникалык изилдөөлөрдү жүргүзүү зарыл. Ушул сыяктуу диетикалык кийлигишүүлөр, дарыгердин тыкыр көзөмөлүндө жүргүзүлөт».

Профессор Лонго: «Бул таасирлер, иммундук системадан тышкары, органдар системасына жана организмге кандай таасир тийгизерин изилдеп жатабыз».

Бирок, буга карабастан, кээ бир британ эксперттери, изилдөөлөргө шектенүү менен мамиле кылышкан. Лондондун университеттик колледжинин, иммунология боюнча ардактуу профессору, доктор Грэхам Рук, изилдөөнү «укмуштуу» деп айткан.

Лондондун университеттик колледжинин регеративдик медицина боюнча профессору, Крис Мейсон: «Мында, кызыктуу маалыматтарды байкасак болот. Ачкачылык учурунда, клеткалардын саны жана көлөмү азайып, 72 сааттан кийин, тамактанганда, кайра калыбына келүү байкалат. Бул пайдалуу болушу мүмкүн. Аны менен бирге, залалдуу шишик оорусунан жабыркагандарга анчалык деле зыяндуу эмес. Анткени, ал анчалык деле узак убакытка созулбайт. Менин оюм боюнча, мындай таасирге жетүү үчүн, дары каражаттарын колдонуу аң-сезимдүү ыкма. Ачка болуу, мыкты идея экендигине көзүм жетпейт. Андыктан, адамдар үчүн үзгүлтүксүз тамактануу пайдалуу».

Доктор Лонго: «Ачка болуу, кооптуу экендиги жөнүндө эч кандай далилдер жок. Бирок, ошол эле учурда, анын пайдалуу экендиги иш жүзүндө далилденип жатат. Мен, залалдуу шишик оорусунан жабыркаган адамдардан, жүздөгөн каттарды алдым. Алар, дарыгерлердин жардамы аркасында, химиялык терапиядан кийин, ачка болуу ыкмасын колдонушкан. Ушул кезге чейин, алар, ачка жүрүүнүн жакшы таасирлери бар экендигин белгилешип, кээ бирлери гана, эс-тутумду жоготуу жана боордун өлчөмүнүн убактылуу чоңоюп кетиши сыяктуу таасирлерди белгилешкен. Көрүнүп тургандай, биз, клиникалык сыноолорду жыйынташыбыз керек. Чындыгында, бул ыкманын келечеги кең десем жаңылышпайм».



Башка жаӊылыктар
Курман айттын берекеси: Түркия элчилигинен бөлүнгөн 407 кг эт өз дарегине жеткирилди
6 август 2020
Москвада кыргыздар Курман Айтты чоң шаң менен белгилешти
4 август 2020
Россиядагы мекендештер Кыргызстандын кыйын кырдаалдан чыгып кетишин тилеп түлөө өткөрүштү
28 июль 2020
Өлкөдөгү кырдаалга байланыштуу Курман Айт намазы окулбайт
27 июль 2020
Улуу аалым Саид Нурсинин айтканы келди: Айя Софияда 350 миң адам жума-намазын окуду
25 июль 2020
ТОП-10: Айзат Топчубаева ЖРТ да жогорку упай алып, алтын сертификатка ээ болду
24 июль 2020
Ааламдан дагы бир аалым өттү: Бишкектин казысы Садриддин ажы бүгүн жерге берилди
11 июль 2020
Казакстандын белгилүү дин аалымы Абдыгаппар Сманов 50 жашында дүйнө салды
2 июль 2020
Быйылкы Рамазанда чогулган битир-садака былтыркыга караганда 23 миллион сомго аз болду
11 июнь 2020
Кыргызстанда мечиттер качан ачылат?
2 июнь 2020
Пандемияга байланыштуу Орозо айт намазы мечиттерде жана аянтта окулбайт
23 май 2020
Бүткүл дүйнөлүк мусулман жаштары ассамблеясы 6000 үй-бүлөгө жардам таратууда
18 апрель 2020
Жалал-Абад: Тахмина жолдошу экөөнүн айлыгына кездеме алып, беткап тигип, акысыз таратышты
30 март 2020
Мусулмандардын “Ас-Сафа борбору” бирикмеси коронавирус менен күрөшүүгө 19 миллион 750 миң сом бөлдү
25 март 2020
Мекендешибиз Кайрат 1 жыл мурун теракт болгон Жаңы Зеландиядагы мечитти зыярат кылды
13 март 2020
Жарыя! “Куран жазы” аттуу республикалык Куран жарышы өтөт. Тандоо туруна катышыңыз
4 март 2020
"Бейиш балдары" фонду: Мүмкүнчүлүгү чектелген балдар жана алардын апалары коомдун колдоосуна муктаж
24 февраль 2020
Нурзат Токтосунова: “Бардык жолдор исламга алып барат. Жоолук салынып, дагы бир парзымды аткардым”
19 февраль 2020
Адис жооп берет
Сизди кызыктыргын суроого жооп издеп, же имам суроо берсеңиз болот.
Суроого жооп берген:

Кадыр Маликов

Намаз убактылары
9 август 2020г.
Багымдат
4:10
Күндүн чыгуу
6:02
Бешим
13:07
Аср
18:07
Шам
20:17
Куптан
21:43