Islamic Relief - бул, 1984-жылы студент-магистранттар тобу тарабынан негизделген, көз карандысыз өкмөттүк эмес уюм.
Islamic Relief - 30 жылдан бери, муктаж жана кембагал адамдарга жардап берип, Аллахтын ырайымы менен, дүйнөдөгү эң ири, ислам өкмөттүк эмес уюмуна өсүп жетти. Жакында, бул уюм "Бул Рамазанда, өмүрлөрдү сактоого жардам кылалы" аттуу кайрымдуулук акциясын башташты.
"Бул Рамазанда, өмүрлөрдү сактоого жардам кылгыла"
Милли, жаш жетим кыз. Алдамчылардын колуна түшүп, алар сойкулук менен алектенүүгө мажбурлашкан.
Сахар, жогоруда аты аталган каарманыбыздын апасы, баласы, Газа секторунда өлтүрүлгөн.
Шимона, бул кыз көчөлөрдө тилемчилик кылып, жол жээктеринде уктоого аргасыз.
Бул, "Ислам жардамы" (Islamic Relief) уюму, ушул Рамазанда жардам берүүгө белсенген, үч адамдын тагдыры. Аталган үч адам, сиздердин жардамыңыздарга өтө муктаж. Андыктан, аларды жакырчылыктын тузагынан алып чыгып, жаркын жашоо тартуулоо баарыбыздын аракетибизден көз каранды. "Ислам жардамы" (Islamic Relief) 32 жыл мурда негизделип, сиздер менен биргеликте, 109 миллион адамга жардам бере алдык. Бул Рамазанда, сиздер менен бирге, жүздөгөн, миңдеген адамдардын жашоосун жакшы жагына өзгөртө алабыз.
Берген жардамыбыз текке кетпейт:
70 фунт стерлинг - эки сириялык баланын билим алуусун камсыздай алат.
166 фунт стерлинг - анчалык чоң эмес кыштактын калкы үчүн, жаандын суусун чогулта турган жабдуу сатып алууга болот.
320 фунт стерлинг - биздин "калкты социалдык жактан коргоо" тизмесине киргизип, Милли сыяктуу аялуу балдарды коргоого шарт түзөт.
Рамазандын көптөгөн берекелеринин бири, жакыр жана таалайсыз адамдардын абалын түшүнүүгө шарт түзөт. Тамак-ашсыз, суусуз өткөргөн сааттарыбыз, ооз ачаар мезгилде (ифтар), кенен-кесир тамактануу менен алмашаарын, ошол эле учурда, миллиондогон адамдар, бир нече күн же жумалап, ачка отурганын эстен чыгарбашыбыз керек.
Пайгамбар (ага Аллахтын салам-салаваттары болсун!) айтты: "Кимде-ким, бир тууганынын кандайдыр-бир муктаждыгына жардам берсе, анын муктаждыктарына Аллах жардам берет" (Муслим)
Рамазандын сыйлыктарын чогулт
Рамазан учурунда, кыйналып жаткан адамдарга кайрымдуулук кылуудан өткөн нерсе жок. Ар бир кылган жакшы иштерибиз, бул берекелүү айда, 700 эсе көбөйөт, Субханаллах! Пайгамбар (ага тынчтык болсун!) бул айда өтө март болуп, айтты: "Эң мыкты кайыр-садака - бул Рамазан айында берилген садака" (Тирмизи).
Демек, Анын сүннөтүн жолдоп, кошумча сыйлыктарга татыйлы. Ал үчүн, бул Рамазанда, зекетти жана садаканы марттык менен берели. Милли, Сахар жана Шимона сыяктуу миңдеген, миллиондогон адамдар биздин жардамыбызга, дубабызга муктаж. Андыктан, биздин катарыбызга кошулуңуз. Биз, сиздин колдооңузга абдан муктажбыз!
Булак: http://www.islamic-relief.org.uk/about-us/history/
16 ноябрь 2023
5 сентябрь 2023
5 сентябрь 2023
5 сентябрь 2023
31 июль 2023
20 июль 2023
20 июнь 2023
9 июнь 2023
9 июнь 2023
1 июнь 2023
30 май 2023
18 май 2023
13 май 2023
14 апрель 2023
31 март 2023
6 ноябрь 2022
22 сентябрь 2022
21 сентябрь 2022