Единение. Просвещение. Созидание.
ислам журналы
С именем Аллаха, Милостивого и Милосердного. Ырайымдуу, Боорукер Аллахтын аты менен!
«Акыйкатта үммѳтүӊѳр бир эле үммѳт…» («Анбийа»сүрѳѳсү, 92-аят)

Пайгамбарыбыз Мухаммедди сүйүүгө үндөгөн кечеде спорт ордосу элге жык толду

Автору: "Умма" журналы / Сүрѳттѳр: Кыргызстан мусулмандарынын дин башкармалыгы / Жарыяланды: 17 апрель 2017

Бишкекте сүйүктүү пайгамбарыбыз Мухаммеддин (Алланын ага салам-салаваттары болсун) туулган айына карата “Мавлид” кечеси өттү. Иш-чара 15-апрелде Кааба уулу Кожомкул атындагы спорт ордосунда дин ишмерлери, төкмө акын, ырчы, студент, бала бакчанын тарбиялануучуларынын катышуусунда сахналаштырылган оюн, чыгармалар менен коштолду.

%article_title%

Мавлид кечеси Ыйык Куран окуу менен башталды. Кыргызстан мусулмандарынын азирети муфтийинин орун басары Жоробай ажы Шергазиев, Аалымдар Кеңешинин төрагасы Абдишүкүр ажы Нарматов, Аалымдар кеңешинин мүчөсү Чубак ажы Жалилов, “Адеп башаты” фондунун мүдүрү Нурлан Субанов пайгамбарыбыздын өрнөктүү өмүрүнөн кыскача баяндарды сунушту.

%article_title%

Аалымдар кеңешинин мүчөсү Чубак ажы Жалилов кечеге келген конокторго Кыргызстанда алгачкылардан болуп Куранды толук жатка айткан 99 жаштагы чоң эне менен тааныштырды. Чоң эне - Куран жарышы боюнча республикалык жана эл аралык конкурстарда баш байгелерге ээ болгон Зиябиддин каарынын энеси. Анын өзү, жолдошу, балдары да баары каары, Куранды жатка айтышат.

%article_title%

Спорт ордосунун 95%ы толгон залда кыргыздардын жашоосундагы ислам дининин ордун чагылдырган сахналаштырылган оюн көрсөтүлдү. “Манас” эпосунан Каныкей менен Семетейдин диалогу коюлуп, анда Каныкей баласына кыргыз жери, элинин сулуулугу тууралуу баяндап келип, атасы Манасты Коңурбай намаз окуп жаткан жеринен өлтүргөнүн айтты.

%article_title%

Андан соң Үркүн убагында суукта тоңуп, тоо-таштан ашкан кыргыз эли жүрөгүндөгү ыйманын жоготпой, кыйын кезеңде кудайды оозунан тушүрбөгөнү сүрөттөлдү.

%article_title%

Ал эми Совет мезгилинде динге катуу тыюу салынганы, “орозо - бекерчилердин иши” деп орозо кармагандарды күчтөп суу ичирип, орозосун буздургусу келген көрүнүштөр баяндалды. Акырында 1991-жылы Кыргызстан эгемендикти алган соң дин тутуу эркиндиги берилип, мечиттер элдерге жык толуп, кыргыз эли кайрадан өз тарыхына, эзелтен бери тутуп келген ислам динине кайтканы таасын чагылдырылды.

%article_title%

Төкмө акындар Жеңишбек Жумакадыр менен Аалы Туткучев ислам дининин аруулугун жана пайгамбардын улуу жолун ырга салып, сөз берметтерин теришти.

Кичинекей бөбөктөр тарбия берүүчү кыска көрүнүштөрдү сахналаштырышып, көрүүчүлөрдү ташкындаган таланттары менен таң калтырышты.

%article_title%

“Мавлид” кечеси жыл сайын Кыргызстан мусулмандарынын дин башкармалыгы жана “Адеп башаты” фонду тарабынан уюштурулуп келет.



Башка жаӊылыктар
Бул жылкы ажылардын кийимин тигүүчүлөр аныкталды
23 февраль 2018
Быйыл Сауд Араб Падышачылыгы ажылыкка Кыргызстанга 5400 квота бөлдү
18 январь 2018
Диний окуу жайлар арасында билим олимпиадасы болот
17 январь 2018
Муфтият авиакомпаниялар ортосунда конкурс жарыялайт
12 январь 2018
"ЧайQuizz" оюну: "Люди Х" командасынын жеңиш сыры эмнеде?
8 январь 2018
Марс ажы Ибраевдин "Кыялыбыздагы келечек" аттуу семинарына чакыруу
28 декабрь 2017
М. Ибраевдин "Жаман адат жана андан арылуунун жолдору" аттуу семинарына чакыруу
7 декабрь 2017
"Жан дүйнө азыгы" долбоорунун кезектеги лектору Марс Ибраев
30 ноябрь 2017
Кыргызстандын дин аалымдары Өзбекстандагы эл аралык конференцияга катышууда
16 ноябрь 2017
Пайгамбарыбыздын эң шайыр жубайы - Савда бинт Зама
8 ноябрь 2017
10 айдын ичинде "жарым темир айым" титулуна жеткен Бегимай Алыбаева
27 октябрь 2017
Мекендешибиз триатлон боюнча эл аралык жарышта медалга татыды
23 октябрь 2017
Космостогу "Росетте Небула" Куранда кызыл роза катары баяндалган
23 октябрь 2017
Муфтий Максатбек ажы Токтомушев Бүткүл дүйнөлүк фатва берүү секретариатына мүчө болду
19 октябрь 2017
Тапкыч мекендешибиз, "аль-Сафар" жайнамазынын автору - Абай Исмаилов
18 октябрь 2017
Айымдар арасындагы куран жарышына каттоо жүрүүдө
17 октябрь 2017
"Балдарды Ислам негизинде тарбиялоо" атту баянга чакыруу
13 октябрь 2017
Сауд Аравиядагы дүйнөлүк Куран жарышында Кыргызстандан 2 студент катышууда
11 октябрь 2017
Намаз убактылары
24 февраль 2018г.
Багымдат
06:12
Күндүн чыгуу
07:46
Бешим
13:15
Аср
16:59
Шам
18:49
Куптан
20:04
Адис жооп берет
Сизди кызыктыргын суроого жооп издеп, же имам суроо берсеңиз болот.
Суроого жооп берген:

Кадыр Маликов